ഷാഫി എസ്.എസ്. ഹുസൈന്‍ തിരക്കഥയെഴുതി സംവിധാനം ചെയ്യുന്ന പുതിയ ചിത്രമാണ് സീറോ 8. ആമസോണിലൂടെ ഒ.ടി.ടിയില്‍ പ്രദര്‍ശനത്തിനെത്തിയ തേള്‍ എന്ന ചിത്രത്തിനുശേഷം ഷാഫി ഒരുക്കുന്ന ചിത്രം കൂടിയാണ് ഇത്. ബൈജു സന്തോഷും ജാഫര്‍ ഇടുക്കിയുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്.
പുതുമുഖങ്ങളായ അപര്‍ണ്ണാജയശ്രീ, റാന്ദനാ ജയമോദ് എന്നിവര്‍ നായികമാരാണ്. നന്ദു മറ്റൊരു മുഖ്യ കഥാപാത്രത്തെ അവതരിപ്പിക്കുന്നു. സാജന്‍ പള്ളുരുത്തി, ടോണി, അരിസ്റ്റോ സുരേഷ്, ജയകുമാര്‍ (തട്ടീം മുട്ടീം), കലാഭവന്‍ ഹനീഫ്, സാജു കൊടിയന്‍,, ജീജാ സുരേന്ദ്രന്‍, ഷിബുലാബന്‍ സിനി ഗണേഷ്, പ്രജുഷ, കാഷ്മീരാ സുജീഷ്, എന്നിവരാണ് മറ്റ് താരനിരക്കാര്‍. ചിത്രത്തിന്റെ ഷൂട്ടിംഗ് സെപ്തംബര്‍ 14 ന് തിരുവനന്തപുരത്ത് ആരംഭിക്കും.
ഓഫ് റോഡ് ഡ്രൈവിംഗില്‍ ആകൃഷ്ടരായ ഏതാനും പെണ്‍കുട്ടികള്‍ അതിന്റെ ലൈസന്‍സിനായി നടത്തുന്ന ശ്രമങ്ങളും, അതിനിടയില്‍ അരങ്ങേറുന്ന സംഭവങ്ങളുമാണ് ചിത്രത്തിന്റെ പ്രമേയം. ഒരു ത്രില്ലര്‍ ചിത്രമാണ് സീറോ 8.
ഷെഹ്ന മൂവീസാണ് ചിത്രം നിര്‍മ്മിക്കുന്നത്. അനീഷ് ചന്ദ്രയുടെ വരികള്‍ക്ക് പ്രശസ്ത തമിഴ് സംഗീത സംവിധായകന്‍ ഡെന്നീസ് ജോസഫ് ഈണം നല്‍കുന്നു. ഛായാഗ്രഹണം സോണി സുകുമാരന്‍, എഡിറ്റിംഗ് പ്രബുദ്ധ് ബി., കലാസംവിധാനം മനു എസ്.പാല്‍., പ്രൊഡക്ഷന്‍ കണ്‍ട്രോളര്‍ എന്‍.ആര്‍. ശിവന്‍, പി.ആര്‍.ഒ. വാഴൂര്‍ ജോസ്.
Recent Comments