മണികണ്ഠന്‍ ആചാരി, നന്ദു ആനന്ദ് എന്നിവരെ കേന്ദ്രകഥാപാത്രങ്ങളാക്കി ഗിരീഷ് പി.സി. പാലം ചനയും സംവിധാനവും നിര്‍വ്വഹിച്ച ‘ഴ’ ഉടന്‍ പ്രദര്‍ശനത്തിനെത്തും. ഒരു പിടി നല്ല ഗാനങ്ങള്‍ ഉള്‍പ്പെടുത്തിയ ചിത്രത്തിലെ രണ്ടാമത്തെ ഗാനം അണിയറ പ്രവര്‍ത്തകള്‍ പുറത്ത് വിട്ടു. ‘താളം തുള്ളിയോടും തിങ്കള്‍ ഈറന്‍ വാനിലെ മേഘം തൊട്ട് മോഹത്തേലിലേറിയോ’ എന്ന ഗാനമാണ് റിലീസ് ചെയ്തത്. ഗാനരചന സുധി. സംഗീതം രാജേഷ് ബാബു കെ., നജീം അര്‍ഷാദും ദേവനന്ദയും ചേര്‍ന്നാണ് ഈ ഗാനം ആലപിച്ചിരിക്കുന്നത്.
തീവ്രമായൊരു സൗഹൃദത്തിന്റെ കഥയാണ ചിത്രം പറയുന്നത്. സ്വന്തം ജീവനേക്കാള്‍ തന്റെ സുഹത്തിനെ സ്‌നേഹിക്കുന്ന രണ്ട് യുവാക്കളുടെ തീക്ഷ്ണവും തീവ്രവുമായ സൗഹൃദവഴിയിലൂടെയാണ് ചിത്രത്തിന്റെ കഥ വികസിക്കുന്നത്. നൈറാ നീ ഹാര്‍, സന്തോഷ് കീഴാറ്റൂര്‍, ലക്ഷമി പ്രിയ, രാജേഷ് ശര്‍മ്മ, ഷൈനി സാറ,വിജയന്‍ കാരന്തൂര്‍, അജിത വി.എം., അനുപമ വി.പി. എന്നിവരാണ് മറ്റ് അഭിനേതാക്കള്‍. ബാനര്‍ വോക്ക് മീഡിയ നന്ദന മുദ്ര ഫിലിംസ്, നിര്‍മ്മാണം രാജേഷ് ബാബു കെ ശൂരനാട്, കോ പ്രൊഡ്യുസേഴ്‌സ് സബിത ശങ്കര്‍, വി പ്രമോദ്, സുധി, ഡിഒപി ഹുസൈന്‍ അബ്ദുള്‍ ഷുക്കൂര്‍, പ്രൊഡക്ഷന്‍ കണ്‍ട്രോളര്‍ സുധി പിസി പാലം, പിആര്‍ഒ പിആര്‍ സുമേരന്‍.
Recent Comments