മേപ്പടിയാന്‍ എന്ന ആദ്യ ചിത്രത്തിലൂടെ മികച്ച നവാഗത സംവിധായകനുള്ള ദേശീയ അവാര്‍ഡ് സ്വന്തമാക്കിയ സംവിധായകനാണ് വിഷ്ണുമോഹന്‍. ബിജുമേനോന്‍ നായകനാകുന്ന അദ്ദേഹത്തിന്റെ രണ്ടാത്തെ ചിത്രത്തിന്റെ ഷൂട്ടിംഗ് ഇപ്പോള്‍ തിരുവനന്തപുരത്ത് പുരോഗമിക്കുകയാണ്. ചിത്രത്തിന് ടൈറ്റില്‍ ഇട്ടു. കഥ ഇന്നുവരെ എന്നാണ് പേര്.
മേതില്‍ ദേവികയാണ് ചിത്രത്തില്‍ ബിജുമേനോന്റെ നായികയായി വേഷമിടുന്നത്. മേതില്‍ ദേവികയുടെ അരങ്ങേറ്റ ചിത്രമാണിത്. മുമ്പ് പല മുന്‍നിര സംവിധായകരും ദേവികയെ തങ്ങളുടെ ചലച്ചിത്രത്തിന്റെ ഭാഗമാകാന്‍ ശ്രമിച്ചപ്പോഴൊക്കെ ദേവിക ഒഴിഞ്ഞു മാറുകയായിരുന്നു. പക്ഷേ വിഷ്ണുമോഹന്റെ കഥയും കഥാപാത്രവും ഇഷ്ടപ്പെട്ടതിനെത്തുടര്‍ന്ന് അവര്‍ മലയാള സിനിമയുടെ തിരുവരങ്ങിലേയ്ക്കും കാലെടുത്തുവച്ചിരിക്കുകയാണ്.
അനുമോഹന്‍, അനുശ്രീ, നിഖിലാ വിമല്‍, ഹക്കിം, സിദ്ധിക്ക്, രഞ്ജി പണിക്കര്‍ എന്നിവരാണ് ചിത്രത്തിലെ മറ്റ് അഭിനേതാക്കള്‍. വിഷ്ണുമോഹനും ജോമോന്‍ ടി. ജോണും സമീര്‍ മുഹമ്മദും ചേര്‍ന്നാണ് കഥ ഇന്നുവരെ നിര്‍മ്മിക്കുന്നത്. ഹാരിസ് ദേശവും അനീഷും സഹനിര്‍മ്മാതാക്കളാണ്.
Recent Comments