ജീത്തു ജോസഫ് സംവിധാനം ചെയ്യുന്ന നേരിന്റെ തിരുവനന്തപുരം ഷെഡ്യൂള്‍ ഇന്നലെ പൂര്‍ത്തിയായി. ഇന്ന് എറണാകുളത്തേയ്ക്ക് ഷിഫ്റ്റ് ചെയ്തു. 4 ഉം 5 മായി നേരിന്റെ ചിത്രീകരണം പൂര്‍ത്തിയാകും. ഇന്ന് രാവിലെയാണ് ലാല്‍ തിരുവനന്തപുരത്തുനിന്ന് പുറപ്പെട്ടത്.
യാത്രാമദ്ധ്യേ മാതാ അമൃതാനന്ദമയിയുടെ 70-ാം പിറന്നാള്‍ ആഘോഷച്ചടങ്ങില്‍ പങ്കെടുക്കാനായി അദ്ദേഹം അമൃതപുരിയിലുമെത്തി. അമ്മയെ അദ്ദേഹം ഹാരാര്‍പ്പണം ചെയ്തു. അമ്മയുടെ അനുഗ്രഹങ്ങള്‍ ഏറ്റുവാങ്ങിയാണ് ലാല്‍ എറണാകുളത്തേയ്ക്ക് തിരിച്ചത്. ലാലിനൊപ്പം അക്കൗണ്ടന്റ് കൂടിയായ സനല്‍കുമാറും ഉണ്ടായിരുന്നു.
മോഹന്‍ലാലിനെ കൂടാതെ പ്രിയാമണിയും എറണാകുളം ഷെഡ്യൂളില്‍ പങ്കെടുക്കുന്നുണ്ട്.
Recent Comments