രാജേഷ് മാധവന്, ജോണി ആന്റണി, അല്‍ത്താഫ് സലിം, ശ്രിത ശിവദാസ് എന്നിവരെ പ്രധാന കഥാപാത്രങ്ങളാക്കി
അജു കിഴുമല സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് എറണാകുളത്ത് ആരംഭിച്ചു. ഇടപ്പള്ളി തോപ്പില്‍ ക്യൂന്‍ മേരി ദേവാലയം പാരിഷ് ഹാളില്‍വെച്ച് സംവിധായകന്‍ ബ്ലെസ്സി സ്വിച്ചോണ്‍ കര്‍മ്മം നിര്‍വ്വഹിച്ചു.
രോമാഞ്ചം ഫെയിം അബിന്‍ ബിനോ, അദ്വൈത് അജയ്, മാര്‍ട്ടിന്‍ ജിസില്‍, തെസ്‌നി ഖാന്‍, നിഷാ സാരംഗ് എന്നിവരാണ് മറ്റ് അഭിനേതാക്കള്‍. ധ്യാന്‍ ശ്രീനിവാസന്‍-വിനയ് ജോസ് ചിത്രത്തിനു ശേഷം ഗുഡ് ആംഗിള്‍ ഫിലിംസിന്റെ ബാനറില്‍ സന്ദീപ് നാരായണന്‍, പ്രേം ഒ എബ്രഹാം, ജോബീഷ് ആന്റണി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
ഛായാഗ്രഹണം അനില്‍ വിജയ്. ഗാനരചന മോബിന്‍ മോഹന്‍, സംഗീതം നിക്സണ്‍ ജോയ്, എഡിറ്റര്‍ സുനേഷ് സെബാസ്റ്റ്യന്‍,
പ്രൊഡക്ഷന്‍ കണ്‍ട്രോളര്‍ ജാവേദ് ചെമ്പ്, കല കണ്ണന്‍ ആതിരപ്പിള്ളി, വസ്ത്രാലങ്കാരം ഇര്‍ഷാദ് ചെറുകുന്ന്, ചമയം ബിനു അജയ്, ആക്ഷന്‍ അഷ്‌റഫ് ഗുരുക്കള്‍, ചീഫ് അസോസിയേറ്റ് ഡയറക്ടര്‍ ഉമേശ് എസ് നായര്‍, വിഎഫ്എക്‌സ് സരീഷ് ആനന്ദ്, സ്റ്റില്‍സ് അനില്‍ വന്ദന, പിആര്‍ഒ എഎസ് ദിനേശ്.
Recent Comments