തെലുങ്ക് ചിത്രം ‘ആര്‍.എക്സ് 100’ന്റെ സംവിധായകന്‍ അജയ് ഭൂപതിയുടെ പുതിയ ആക്ഷന്‍ ഹൊറര്‍ ചിത്രം ‘ചൊവ്വാഴ്ച്ച’ (മംഗളവാരം)യുടെ രണ്ടാമത്തെ ഗാനം റിലീസ് ചെയ്തു. മെറിന്‍ ഗ്രിഗറി ആലപിച്ച ‘നീയേയുള്ളു എന്നുമെന്‍’ എന്നു തുടങ്ങുന്ന ഗാനമാണ് റിലീസായത്. സന്തോഷ് വര്‍മ്മയുടെ വരികള്‍ക്ക് ‘കാന്താര’ ഫെയിം അജനീഷ് ലോക്നാഥാണ് സംഗീതം നിര്‍വഹിച്ചിരിക്കുന്നത്. മുദ്ര മീഡിയ വര്ക്ക്സ്, എ ക്രിയേറ്റീവ് വര്ക്ക്സ് എന്നീ ബാനറുകളില്‍ സ്വാതി റെഡ്ഡി ഗുണുപതി, സുരേഷ് വര്‍മ്മ എം, അജയ് ഭൂപതി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. അജയ് ഭൂപതിയുടെ ആദ്യ നിര്‍മ്മാണ സംരഭമായ ചൊവ്വാഴ്ച്ച തെലുങ്ക്, തമിഴ്, കന്നഡ, ഹിന്ദി, മലയാളം എന്നീ ഭാഷകളിലായിട്ടാണ് ഒരുക്കുന്നത്. പായല്‍ രജ്പുട്ട് ആണ് നായിക.
‘കണ്ണിലെ ഭയം’ എന്ന് ടാഗ് ലൈനില്‍ എത്തിയ ടീസറില്‍ ചിത്രത്തിലെ ഗ്രാമീണരുടെ കണ്ണുകളിലെ ഭയത്തിന്റെ ദൃശ്യങ്ങളാല്‍ അനാവരണം ചെയ്തിട്ടുണ്ട്. അജനീഷ് ലോക്നാഥിന്റെ പശ്ചാത്തല സംഗീതം തന്നെയാണ് പ്രധാന ഹൈലൈറ്റ്. അജയ് ഭൂപതി തന്നെയാണ് കഥയും തിരക്കഥയും എഴുതിയിരിക്കുന്നത്. ചിത്രം നവംബര്‍ 17ന് തീയേറ്ററുകളിലെത്തും.
അജ്മല്‍, ചൈതന്യ കൃഷ്ണ, അജയ് ഘോഷ്, ലക്ഷ്മണ്‍ തുടങ്ങി നിരവധി താരങ്ങളും ചിത്രത്തില്‍ അണിനിരക്കുന്നു. ഛായാഗ്രാഹണം: ദാശരധി ശിവേന്ദ്ര, പ്രൊഡക്ഷന്‍ ഡിസൈനര്‍: രഘു കുല്‍ക്കര്‍ണി, കലാസംവിധാനം: മോഹന്‍ തല്ലൂരി, സൗണ്ട് ഡിസൈനര്‍ & ഓഡിയോഗ്രഫി: രാജ കൃഷ്ണന്‍ (ദേശീയ അവാര്‍ഡ് സ്വീകര്‍ത്താവ്), എഡിറ്റര്‍: മാധവ് കുമാര്‍ ഗുല്ലപ്പള്ളി, സംഭാഷണ രചന: താജുദ്ദീന്‍ സയ്യിദ്, കല്യാണ്‍ രാഘവ്, എക്സിക്യൂട്ടീവ് പ്രൊഡ്യൂസര്‍: സായികുമാര്‍ യാദവില്ലി, ഫൈറ്റ് മാസ്റ്റര്‍: റിയല്‍ സതീഷ്, പൃഥ്വി, കൊറിയോഗ്രാഫര്‍: ഭാനു, കോസ്റ്റ്യൂം ഡിസൈനര്‍: മുദാസര്‍ മുഹമ്മദ്, പിആര്‍ഒ: പി. ശിവപ്രസാദ്, പുലകം ചിന്നരായ, ഡിജിറ്റല്‍ മാര്‍ക്കറ്റിങ്: ട്രെന്‍ഡി ടോളി, ടോക്ക് സ്‌കൂപ്പ് എന്നിവരാണ് മറ്റ് അണിയറ പ്രവര്‍ത്തകര്‍.
Recent Comments