ഇംഗ്ലണ്ടിലെ പ്രശസ്തമായ യൂണിവേഴ്‌സിറ്റി ഓഫ് ക്രിയേറ്റീവ് ആര്‍ട്ടിസില്‍ ബിരുദ പ്രവേശനം നേടി സാനിയ ഇയ്യപ്പന്‍. ആക്ടിങ്ങ് & പെര്‍ഫോമെസ് കോഴ്‌സിലാണ് ചേര്‍ന്നിരിക്കുന്നത്. 2026 വരെയാണ് കോഴ്‌സിന്റെ കാലാവധി.
മമ്മൂട്ടിയുടെ ബാല്യകാല സഖിയില്‍ ബാലതാരമായി അഭിനയിച്ചു കൊണ്ട് സിനിമരംഗത്തേക്ക് കടന്നുവന്ന സാനിയ ഗംഭീര നര്‍ത്തകി കൂടിയാണ്. ക്വീന്‍ എന്ന ചിത്രത്തിലെ ചിന്നു എന്ന കഥാപാത്രത്തിലൂടെയാണ് സാനിയ പ്രശസ്തയാകുന്നത്. മോഹന്‍ ലാലിനൊപ്പം ലൂസിഫറിലും മമ്മൂട്ടിക്കൊപ്പം ദി പ്രീസ്റ്റിലും ശ്രദ്ധേയമായ വേഷങ്ങളില്‍ അഭിനയിക്കാന്‍ സാനിയക്ക് അവസരം ലഭിച്ചു. ലൂസിഫര്‍ രണ്ടാം ഭാഗത്തിലും സാനിയ അഭിനയിക്കുന്നുണ്ട്.
സോഷ്യല്‍ മീഡിയയിലും താരത്തിന് ഏറെ ആരാധകരുണ്ട്. തന്റെ ഫോട്ടോഷൂട്ട് ചിത്രങ്ങള്‍ സാനിയ, സോഷ്യല്‍ മീഡിയയില്‍ പങ്കുവയ്ക്കാറുണ്ട്. ഇംഗ്ലണ്ടിലെ പടങ്ങളും താരം ഇപ്പോള്‍ പങ്കുവെച്ചിട്ടുണ്ട്.
Recent Comments