ബോളിവുഡ് സൂപ്പര്‍ സ്റ്റാര്‍ അക്ഷയ് കുമാറിനെ നേരില്‍ കണ്ടതിലുള്ള ആഹ്ലാദം സോഷ്യല്‍ മീഡിയയില്‍ പങ്കുവെച്ച് ടൊവിനോ തോമസ്. ഇരുവരും ഒന്നിച്ച് നില്‍ക്കുന്ന ചിത്രമാണ് പോസ്റ്റ് ചെയ്തിരിക്കുന്നത്. ഹൈദരബാദിലെ റാമോജി ഫിലിം സിറ്റിയിലെ ജിമ്മില്‍ വെച്ചായിരുന്നു കണ്ടുമുട്ടല്‍.
രോഹിത് ഷെട്ടിയുടെ കോപ്പ് യൂണിവേഴ്‌സിന്റെ ഭാഗമായ സിംഗം 3 യുടെ ചിത്രീകരണത്തിന്റെ ഭാഗമായാണ് അക്ഷയ് കുമാര്‍ ഹൈദരബാദിലെത്തിയതെന്നാണ് സൂചന. അജയ് ദേവ്ഗണ്‍, കരീന കപൂര്‍, രണ്‍വീര്‍ സിംഗ് എന്നിവരോടൊപ്പമാണ് അക്ഷയ് കുമാര്‍ വേഷമിടുന്നത്. ജീന്‍ പോള്‍ ലാല്‍ സംവിധാനം ചെയ്യുന്ന നടികര്‍ തിലകം എന്ന ചിത്രത്തിന്റെ ഷൂട്ടിംഗിലാണ് ടൊവിനോ.
View this post on Instagram
‘കളി അറിയാമെന്ന് ഞാന്‍ കരുതി, ഇപ്പോള്‍ ഞാന്‍ യഥാര്‍ത്ഥ കില്ലാടിയെ കണ്ടു’ എന്നായിരുന്നു ടൊവിനോ ചിത്രത്തിന് അടിക്കുറിപ്പ് നല്‍കിയത്. കില്ലാടി എന്നത് ബോളിവുഡ് അക്ഷയ് കുമാറിന് സ്‌നേഹത്തോടെ വിളിക്കുന്ന പേരാണ്. ഇതിലൂടെ ടൊവിനോ തന്റെ ബഹുമാനവും വ്യക്തമാക്കുന്നു.
Recent Comments