നവാഗതനായ ജോ ജോര്‍ജ് സംവിധാനം ചെയ്യുന്ന ചിത്രത്തിന് പേരിട്ടു- ആസാദി. ലിറ്റില്‍ ക്രൂ ഫിലിംസിന്റെ ബാനറില്‍ ഫൈസല്‍ രാജ നിര്‍മ്മിക്കുന്ന ഈ ചിത്രത്തിന്റെ ഷൂട്ടിംഗ് കൊച്ചി, കോട്ടയം എന്നിവിടങ്ങളിലായി പുരോഗമിക്കുന്നു.
പത്ത് വര്‍ഷത്തെ ഇടവേളക്കുശേഷം വാണി വിശ്വനാഥ് ശക്തമായ ഒരു കഥാപാത്രത്തെ അവതരിപ്പിക്കുന്ന ചിത്രം കൂടിയാണിത്. ശ്രീനാഥ് ഭാസി, ലാല്‍, സൈജു ക്കുറുപ്പ് എന്നിവര്‍ പ്രധാന വേഷത്തില്‍ അഭിനയിക്കുന്ന ചിത്രത്തിലെ നായിക രവീണാ രവിയാണ്. മാമന്നന്‍ എന്ന സൂപ്പര്‍ ഹിറ്റ് ചിത്രത്തിലൂടെ ഏറെ ശ്രദ്ധ നേടിയ അഭിനേത്രിയാണ് രവീണ. ടി.ജി. രവി, രാജേഷ് ശര്‍മ്മ, ബോബന്‍ സാമുവല്‍ സാബു ആമി, അഭിരാം, ഫൈസല്‍, ജീലു ജോസഫ്, വിജയകുമാര്‍, ആന്റണി ഏലൂര്‍, അസിന്‍, ബിനോ, ആശാ മഠത്തില്‍ എന്നിവരും പ്രധാന താരങ്ങളാണ്.
ഒരു മെഡിക്കല്‍ ഫാമിലി ത്രില്ലറാണ് ചിത്രം. സംവിധായകന്‍ സാഗറാണ് തിരക്കഥ എഴുതുന്നത്. ഗാനങ്ങള്‍ ഹരി നാരായണന്‍, സംഗീതം വരുണ്‍ ഉണ്ണി, ഛായാഗ്രഹണം സനീഷ് സ്റ്റാന്‍ലി, എഡിറ്റിംഗ് നൗഫല്‍ അബ്ദുള്ള, കലാസംവിധാനം സഹസ് ബാല,
ചീഫ് അസ്സോസ്സിയേറ്റ് ഡയറക്ടര്‍ ശരത് സത്യ, പ്രൊജക്റ്റ് ഡിസൈനര്‍ സ്റ്റീഫന്‍ വല്യാറ, പ്രൊഡക്ഷന്‍ എക്‌സിക്യൂട്ടീവ്‌സ് പ്രതാപന്‍ കല്ലിയൂര്‍, സുജിത് അയണിക്കല്‍. പ്രൊഡക്ഷന്‍ കണ്‍ട്രോളര്‍ ആന്റണി ഏലൂര്‍, പി.ആര്‍.ഒ. വാഴൂര്‍ ജോസ്, ഫോട്ടോ ഷിജിന്‍.
Recent Comments