കെ. മധു സംവിധാനം ചെയ്ത ‘ബാങ്കിംഗ് അവേഴ്‌സ്10-4’ എന്ന ചിത്രത്തിന് തിരക്കഥ എഴുതിക്കൊണ്ടാണ് അമല്‍ കെ. ജോബി മലയാള സിനിമയിലേയ്ക്ക് ചുവട് വച്ചത്. റഹ്‌മാന്‍, ഗോകുല്‍ സുരേഷ് എന്നിവര്‍ പ്രധാന വേഷങ്ങളിലഭിനയിച്ച് പ്രദര്‍ശനത്തിനൊരുങ്ങുന്ന എതിരെ എന്ന ചിത്രം കഥയെഴുതി സംവിധാനം ചെയ്തതും അമലാണ്. അമല്‍ കെ. ജോബി സംവിധാനം ചെയ്യുന്ന പുതിയ ചിത്രമാണ് ഗുമസ്തന്‍. ചിത്രത്തിന്റെ ഷൂട്ടിംഗ് ഒക്ടോബര്‍ 24 ന് ഏറ്റുമാനൂരില്‍ ആരംഭിക്കും.
മുസാഫിര്‍ പ്രൊഡക്ഷന്‍സിന്റെ ബാനറിലാണ് ഗുമസ്തന്‍ നിര്‍മ്മിക്കുന്നത്. ഫാമിലി ത്രില്ലറാണ് ചിത്രം. ഒരു നാട്ടില്‍ നടക്കുന്ന കൊലപാതകം ഏറെ ചര്‍ച്ചാ വിഷയമാകുന്നു. നിയമ പാലകരായ പൊലീസും നിയമത്തിന്റെ പഴുതുകളെ കൗശലത്തോടെയും സ്വാര്‍ത്ഥതയോടെയും കൈകാര്യം ചെയ്യുന്നവരും തമ്മിലുള്ള നീതി നിയമ പോരാട്ടം കൂടിയാണ് ഈ ചിത്രം.
ബിബിന്‍ ജോര്‍ജ്, ദിലീഷ് പോത്തന്‍, ഡോ. റോണി രാജ്, അസീസ് നെടുമങ്ങാട്, കൈലാഷ്, മഖ്ബൂല്‍ സല്‍മാന്‍, ജയ്‌സ് ജോസ്, ഷാജു ശ്രീധര്‍, പ്രശാന്ത് അലക്‌സാണ്ടര്‍, ഐ.എം. വിജയന്‍, ഉണ്ണി ലാലു, ആദില്‍ ഇബ്രാഹിം, ആനന്ദ് റോഷന്‍, ജോയ് ജോണ്‍ ആന്റണി, ടൈറ്റസ് ജോണ്‍, ഫൈസല്‍ മുഹമ്മദ്, ജീമോന്‍ ജോര്‍ജ്, വിജി മാത്യുസ്, സ്മിനു സിജോ, ബിന്ദു സജീവ്, സുധീഷ് തിരുവാമ്പാടി എന്നിവരും പ്രധാന താരങ്ങളാണ്. പുതുമുഖം നീമാ മാത്യുവാണ് നായിക.
തിരക്കഥ റിയാസ് ഇസ്മത്ത്, ഗാനങ്ങള്‍ ബി.കെ. ഹരിനാരായണന്‍, സംഗീതം സ്റ്റീഫന്‍ ദേവസ്സി, പശ്ചാത്തല സംഗീതം ബിനോയ് എസ്. പ്രസാദ്, ഛായാഗ്രഹണം കുഞ്ഞുണ്ണി. എസ്. കുമാര്‍, എഡിറ്റിംഗ് അയൂബ് ഖാന്‍, കലാസംവിധാനം രജീഷ് കെ. സൂര്യ, മേക്കപ്പ് റഹിം കൊടുങ്ങല്ലൂര്‍, കോസ്റ്റ്യൂം ഡിസൈന്‍ ഷിബു പരമേശ്വരന്‍, നിശ്ചല ഛായാഗ്രഹണം അമല്‍ അനിരുദ്ധന്‍, പ്രൊജക്റ്റ് ഡിസൈന്‍ നിബിന്‍ നവാസ്, അസ്സോസ്സിയേറ്റ് ഡയറക്ടര്‍ അമല്‍ദേവ് കെ.ആര്., ലൈന്‍ പ്രൊഡ്യൂസര്‍ നിജിന്‍ നവാസ്, പ്രൊഡക്ഷന്‍ കണ്‍ട്രോളര്‍ നന്ദു പൊതുവാള്‍, പി.ആര്.ഒ. വാഴൂര്‍ ജോസ്.
ഏറ്റുമാനൂര്‍, കിടങ്ങൂര്‍, പാലക്കാട് എന്നിവിടങ്ങളിലായി ചിത്രീകരണം പൂര്‍ത്തിയാകും.
Recent Comments