മമ്മൂട്ടി കമ്പനി നിര്‍മ്മിക്കുന്ന അഞ്ചാമത്തെ ചിത്രത്തിന് പേരിട്ടു- ടര്‍ബോ. ചിത്രത്തിന്റെ ഷൂട്ടിംഗിന് കോയമ്പത്തൂരില്‍ തുടക്കമായി. വൈശാഖാണ് സംവിധായകന്‍. മിഥുന്‍ മാനുവല്‍ തോമസാണ് ടര്‍ബോയ്ക്ക് കഥയും തിരക്കഥയും സംഭാഷണവും എഴുതിയിരിക്കുന്നത്. മമ്മൂട്ടിക്കുവേണ്ടി വൈശാഖിനുവേണ്ടിയും മിഥുന്‍ മാനുവല്‍ എഴുതുന്ന ആദ്യ തിരക്കഥ കൂടിയാണിത്. ഒരു ആക്ഷന്‍ ത്രില്ലര്‍ ചിത്രമാണ് ടര്‍ബോ.
ഷൂട്ടിംഗിന് മുന്നോടിയായി നടന്ന പൂജാ ചടങ്ങില്‍ ക്ലാപ്പ് ഓണ്‍ നിര്‍വ്വഹിച്ചത് എക്‌സിക്യൂട്ടീവ് പ്രൊഡ്യൂസര്‍ കൂടിയായ ജോര്‍ജാണ്. മമ്മൂട്ടി കോയമ്പത്തൂര്‍ ഷെഡ്യൂളില്‍ പങ്കെടുക്കുന്നില്ല. ബിന്ദുപണിക്കരും ശബരീഷും പങ്കെടുക്കുന്ന രംഗങ്ങളാണ് ആദ്യദിനം ചിത്രീകരിച്ചത്.
വിഷ്ണു ശര്‍മ്മ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ ഷമീര്‍ മുഹമ്മദും പ്രൊഡക്ഷന്‍ ഡിസൈനര്‍ ഷാജി നടുവിലുമാണ്. പ്രൊഡക്ഷന്‍ കണ്‍ട്രോളര്‍ അരോമ മോഹന്‍. ആക്ഷന്‍ ഡയറക്ടര്‍ ഫീനിക്‌സ് പ്രഭു. കോ-ഡയറക്ടര്‍ ഷാജി പാടൂര്‍. ലൈന്‍ പ്രൊഡ്യൂസര്‍ സുനില്‍ സിംഗ്, കോസ്റ്റിയൂം ഡിസൈനര്‍ മെല്‍ബി & അബിജിത്ത്, മേക്കപ്പ് റഷീദ് അഹമ്മദ്.
Recent Comments