മലയാളത്തിലേയ്ക്ക് ഒരു പുതിയ ഒടിടി പ്ലാറ്റ്‌ഫോം കൂടി എത്തുന്നു. സെല്‍ഫി ക്ലബ്ബ് എന്നാണ് പേര്. സിനിമയും വെബ് സീരീസുമുള്‍പ്പെടെ പുതിയ പ്ലാറ്റ്‌ഫോമിലൂടെ സ്ട്രീം ചെയ്യാനുള്ള ഒരുക്കങ്ങള്‍ നടന്നുവരുന്നു. നടന്‍ അനൂപ് മേനോനാണ് സെല്‍ഫി ക്ലബ്ബിന്റെ ബ്രാന്റ് അംബാസഡര്‍.
ഇതിന്റെ പ്രൊമോഷന്‍ ഷൂട്ട് ഇന്നലെ കൊച്ചിയില്‍ നടന്നു. അനൂപ് മേനോനോടൊപ്പം പാഷാണം ഷാജി, അദ്ദേഹത്തിന്റെ ഭാര്യ രശ്മി, വിനോദ് കോവൂര്‍, സരിത ഭാസ്‌ക്കര്‍, ആദിത്യ സോണി, വിപിന്‍ ബെന്നി, അതിഥി, അഞ്ജലി, മാധവ് ശങ്കര്‍, നവമി തോമസ് എന്നിവരും പങ്കെടുത്തു. അശോക് ബാബയായിരുന്നു പ്രൊമോഷന്‍ ഷൂട്ടിന്റെ സംവിധായകന്‍. പ്രമോദ് കെ. പിള്ള ഛായാഗ്രഹണവും അഖില്‍ ഏല്യാസ് എഡിറ്റിംഗും നിസാര്‍ അഹമ്മദ് വസ്ത്രാലങ്കാരവും റഹീം കൊടുങ്ങല്ലൂര്‍ ചമയവും നിര്‍വ്വഹിച്ചു. ഷാജി പട്ടിക്കരയായിരുന്നു പ്രൊഡക്ഷന്‍ കണ്‍ട്രോളര്‍.
സെല്‍ഫി ക്ലബ്ബിന്റെ ഗ്രാന്റ് ലോഞ്ച് ഉടനെ ഉണ്ടാകുമെന്ന് അണിയറപ്രവര്‍ത്തകര്‍ അറിയിച്ചു. ഇതിന് മുന്നോടിയായി പത്രസമ്മേളനവും വിളിച്ചു ചേര്‍ക്കുന്നുണ്ട്.
Recent Comments