ജോജു ജോര്‍ജിനെ നായകനാക്കി നവാഗതനായ യുവ സംവിധായകന്‍ സന്‍ഫീര്‍ കെ. ഒരുക്കുന്ന ‘പീസി’ന്റെ ചിത്രീകരണം തൊടുപുഴയില്‍ പുരോഗമിക്കുന്നു. കാര്‍ലോസ് എന്ന ഡെലിവറി ബോയ്‌യുടെ ജീവിതത്തില്‍ നടക്കുന്ന സംഭവത്തെ ആസ്പദമാക്കിയുള്ളതാണ് ചിത്രത്തിന്റെ പ്രമേയം.
സറ്റയര്‍ കോമഡി ത്രില്ലര്‍ പശ്ചാത്തലത്തില്‍ ഒരുങ്ങുന്ന ‘പീസ്’ നിര്‍മിക്കുന്നത് സ്‌ക്രിപ്റ്റ് ഡോക്ടര്‍ പിക്‌ചേഴ്‌സിന്റെ ബാനറില്‍ ദയാപരനാണ്. തിരക്കഥ ഒരുക്കുന്നത് സഫര്‍ സനിലും രമേഷ് ഗിരിജയുമാണ്. സംഗീതം ജുബൈര്‍ മുഹമ്മദ്.
കൊച്ചി, തൊടുപുഴ എന്നിവിടങ്ങളില്‍ ചിത്രീകരിച്ചുവരുന്ന പീസ് രണ്ട് ഷെഡ്യൂളുകളിലാണ് പൂര്‍ത്തീകരിക്കുന്നത്. സിദ്ദീഖ്, ഷാലു റഹീം, വിജിലേഷ്, ആശാശരത്ത്, ലെന, അതിഥി രവി, അര്‍ജുന്‍ സിങ്, അനില്‍ നെടുമങ്ങാട്, മാമുക്കോയ, പോളി വില്‍സണ്‍ എന്നിവരാണ് മറ്റ് താരങ്ങള്‍.
പീസിന്റെ ഛായാഗ്രഹകന്‍ ഷമീര്‍ ജിബ്രാനും എഡിറ്റിംഗ് നൗഫല്‍ അബ്ദുള്ളയും നിര്‍വ്വഹിക്കുന്നു. മറ്റ് അണിയറപ്രവര്‍ത്തകര്‍- ആര്‍ട്ട്-ശ്രീജിത്ത് ഓടക്കാലി, സംഗീതം-ജുബൈര്‍ മുഹമ്മദ്, ഗാനരചന -അന്‍വര്‍ അലി & സന്‍ഫീര്‍.കെ, പ്രൊജക്ട് ഡിസൈനര്‍-ബാദുഷ എന്‍.എം, പ്രൊഡക്ഷന്‍ കണ്‍ട്രോളര്‍- പ്രതാപന്‍ കല്ലിയൂര്‍, പ്രൊഡക്ഷന്‍ എക്‌സിക്യൂട്ടീവ്-സക്കീര്‍ ഹുസൈന്‍ & ഫഹദ്, കോസ്ട്യും ഡിസൈനിങ്-ജിഷാദ്, മേക്കപ്പ്-ഷാജി പുല്‍പ്പള്ളി, ചീഫ് അസോ: ഡയറക്ടര്‍-കെ.ജെ വിനയന്‍, അസോ: ഡയറക്ടര്‍-മുഹമ്മദ് റിയാസ്, അസോ: ക്യാമറ-ഉണ്ണി പാലോട്, പി.ആര്‍.ഒ- പി.ശിവപ്രസാദ്, സ്റ്റില്‍സ്-ജിതിന്‍ മധു.
Recent Comments