പ്രജേഷ് സെന്‍ തിരക്കഥ രചിച്ച് സംവിധാനം ചെയ്യുന്ന ഹൗഡിനിയുടെ ചിത്രീകരണം കോഴിക്കോട്ട് പൂര്‍ത്തിയായി. കോഴിക്കോട്ടിന് പുറമെ രാജസ്ഥാനിലെ ഉദയ്പ്പൂരായിരുന്നു ചിത്രത്തിന്റെ മറ്റൊരു പ്രധാന ലൊക്കേഷന്‍. ഒരു ചെറുപ്പക്കാരന്റെ ജീവിതത്തില്‍ മാജിക്ക് ഉണ്ടാക്കുന്നസ്വാധീനവും തുടര്‍ന്നുണ്ടാകുന്ന സംഭവങ്ങളുമാണ് ചിത്രത്തിന്റെ ഇതിവൃത്തം.
ആസിഫ് അലിയാണ് കേന്ദ്ര കഥാപാത്രത്തെ അവതരിപ്പിക്കുന്നത്. ഗുരു സോമസുന്ദരം, പ്രശാന്ത് അലക്‌സാണ്ടര്‍, ശ്രീകാന്ത് മുരളി തുടങ്ങിയവരാണ് മറ്റ് അഭിനേതാക്കള്‍. സംഗീതം ബിജിപാല്‍, ഛായാഗ്രഹണം നൗഷാദ് ഷെറീഫ്, എഡിറ്റര്‍ ബിജിത്ബാല, കലാസംവിധാനം ത്യാഗു, ചീഫ് അസ്സോസ്സിയേറ്റ് ഡയറക്ടര്‍ ഗിരീഷ് മാരാര്‍, പ്രൊഡക്ഷന്‍ മാനേജര്‍ ശ്രീജേഷ് ചിറ്റാഴ, പ്രൊഡക്ഷന്‍ എക്‌സിക്യൂട്ടീവ് മനോജ് എന്‍., പ്രൊഡക്ഷന്‍ കണ്‍ട്രോളര്‍ ജിത്ത് പിരപ്പന്‍കോട്, പി.ആര്‍.ഒ. വാഴൂര്‍ ജോസ്, ഫോട്ടോ ലിബിസണ്‍ ഗോപി.
കളര്‍ യെല്ലോ പ്രൊഡക്ഷന്‍സ്, കര്‍മ്മ മീഡിയ, പ്രജേഷ് സെന്‍ മൂവി ക്ലബ്ബ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
Recent Comments