കമല്‍ഹാസന്‍-മണിരത്നം കൂട്ടുകെട്ടില്‍ ഒരുങ്ങുന്ന പുതിയ ചിത്രത്തിന്റെ ടൈറ്റില്‍ പ്രഖ്യാപിച്ചു- തഗ് ലൈഫ്. ആക്ഷന്‍ രംഗങ്ങളാല്‍ സമ്പന്നമായ ടൈറ്റില്‍ അനൗണ്‍സ്മെന്റോട് കൂടിയാണ് ചിത്രത്തിന്റെ ടൈറ്റില്‍ പ്രേക്ഷകരിലേക്കെത്തിച്ചത്. കമല്‍ഹാസന്റെ അറുപത്തി ഒന്‍പതാമത് ജന്മദിനത്തിന് മുന്നോടിയായിട്ടാണ് ചിത്രത്തിന്റെ ടൈറ്റില്‍ പ്രഖ്യാപനം നടന്നതും. ‘രംഗരായ ശക്തിവേല്‍ നായക്കന്‍’ എന്നാണ് കമല്‍ഹാസന്‍ അവതരിപ്പിക്കുന്ന കഥാപാത്രത്തിന്റെ പേര്.
രാജ്കമല്‍ ഫിലിംസ് ഇന്റര്‍നാഷണല്‍, മദ്രാസ് ടാക്കീസ്, റെഡ് ജയന്റ് മൂവീസ്, ആര്‍. മഹേന്ദ്രന്‍, ശിവ അനന്ത് എന്നിവര്‍ ചേര്‍ന്നാണ് ചിത്രത്തിന്റെ നിര്‍മ്മാണം. ദുല്‍ഖര്‍ സല്‍മാന്‍, ജയം രവി, തൃഷ എന്നിവരും ചിത്രത്തിന്റെ ഭാഗമാണ്. പൊന്നിയിന്‍ സെല്‍വന് പിന്നാലെ ജയംരവിയും തൃഷയും തുടര്‍ച്ചയായി മണിരത്നം ചിത്രത്തിന്റെ ഭാഗമാകുന്നുവെന്ന പ്രത്യേകതയും തഗ് ലൈഫിനുണ്ട്.
Recent Comments