തിയേറ്ററില്‍ പ്രദര്‍ശന വിജയം നേടി രണ്ടാം വാരത്തിലേക്ക് മുന്നേറുന്ന വേലയുടെ വിജയാഘോഷം മമ്മൂട്ടിയോടൊപ്പം ആഘോഷിച്ച് അണിയറപ്രവര്‍ത്തകര്‍. മമ്മൂട്ടി ഇപ്പോള്‍ അഭിനയിച്ചുകൊണ്ടിരിക്കുന്ന ടര്‍ബോ ലൊക്കേഷനിലായിരുന്നു ആഘോഷച്ചടങ്ങുകള്‍. വേലയുടെ സംവിധായകന്‍ ശ്യാം ശശി, തിരക്കഥാകൃത്ത് എം. സജാസ്, നടന്‍ സിദ്ധാര്‍ഥ് ഭരതന്‍, പ്രൊഡ്യൂസര്‍ എസ്. ജോര്‍ജ്, മറ്റ് അണിയറപ്രവര്‍ത്തകര്‍ എന്നിവര്‍ അവിടെ എത്തിയിരുന്നു. മമ്മൂട്ടിയോടോപ്പം കേക്ക് മുറിച്ച് മധുരം പങ്കിട്ടു. വേലയുടെ വിജയത്തില്‍ മമ്മൂട്ടിയും അണിയറപ്രവര്‍ത്തകരെ അഭിനന്ദിച്ചു.
ഷെയിന്‍ നിഗം, സണ്ണി വെയ്ന്‍, സിദ്ധാര്‍ഥ് ഭരതന്‍, അതിഥി ബാലന്‍ എന്നിവര്‍ പ്രധാന കഥാപാത്രത്തിലെത്തുന്ന വേല കേരളത്തിനകത്തും വിദേശത്തും മികച്ച പ്രേക്ഷക അഭിപ്രായങ്ങളുമായി മുന്നേറുകയാണ്. ദുല്‍ഖര്‍ സല്‍മാന്റെ വേഫേറെര്‍ ഫിലിംസ് ആണ് കേരളത്തില്‍ ചിത്രം തിയേറ്ററുകളില്‍ എത്തിക്കുന്നത്.
Recent Comments