നിന്നിഷ്ടം എന്നിഷ്ടം എന്ന സൂപ്പര്‍ ഹിറ്റ് ചിത്രം ഉള്‍പ്പെടെ നിരവധി ചിത്രങ്ങളുടെ സംവിധായകനും നിര്‍മ്മാതാവും നടനുമായ ആലപ്പി അഷറഫ് സംവിധാനം ചെയ്യുന്ന പുതിയ ചിത്രമാണ് അടിയന്തരാവസ്ഥകാലത്തെ അനുരാഗം. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ഒലിവ് പ്രൊഡക്ഷന്‍സിന്റെ ബാനറില്‍ കുര്യച്ചന്‍ വാളക്കുഴിയും ടൈറ്റസ് ആറ്റിങ്ങലും ചേര്‍ന്നാണ് ചിത്രം നിര്‍മ്മിക്കുന്നത്.
1975 കാലഘട്ടത്തില്‍ നടക്കുന്ന പ്രണയകഥയാണ് ചിത്രം പറയുന്നത്. ആ കാലയളവില്‍ സംഭവിച്ച യഥാര്‍ത്ഥ കഥയെ അടിസ്ഥാനപ്പെടുത്തിയുള്ള ചിത്രമാണിത്. അടിയന്തരാവസ്ഥക്കാലത്തെ രാഷ്ട്രീയ പശ്ചാത്തലത്തിലൂടെ മനോഹരമായ ഒരു പ്രണയ കാവ്യമാണ് ചിത്രത്തിലൂടെ അനാവരണം ചെയ്യുന്നത്. കായല്‍ത്തീരത്ത് ജീവിക്കുന്ന സാധാരണക്കാരായ ഒരു കൂട്ടം മനുഷ്യരുടെ ജീവിതത്തിലൂടെയാണ് കഥയുടെ സഞ്ചാരം.
പുതുമുഖങ്ങളായ നിഹാലും ഗോപിക ഗിരീഷുമാണ് ചിത്രത്തില്‍ നായികാനായകന്മാരാകുന്നത്. ഹാഷിം ഷാ, കൃഷ്ണപ്രഭ, മായാ വിശ്വനാഥ്, കലാഭവന്‍ റഹ്‌മാന്‍, ടോണി, ഉഷ, ആലപ്പി അഷറഫ്, ഫെലിസിറ്റ, പ്രിയന്‍, അനന്തു കൊല്ലം, ജെ.ജെ. കുറ്റിക്കാട്, പോള്‍ അമ്പുക്കന്‍, മുന്ന, നിമിഷ, റിയ കാപ്പില്‍, എ. കബീര്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
ഛായാഗ്രഹണം ബി.ടി. മണി, എഡിറ്റിംഗ് എല്‍. ഭൂമിനാഥന്‍, കലാസംവിധാനം സുനില്‍ ശ്രീധരന്‍. ഗാനരചന ടൈറ്റസ് ആറ്റിങ്ങല്‍, സംഗീതം അഫ്‌സല്‍ യൂസഫ്, കെ.ജെ. ആന്റണി, ടി.എസ്. ജയരാജ്. യേശുദാസ്, ശ്രേയാഘോഷാല്‍, നജീം അര്‍ഷാദ്, ശ്വേതാമോഹന്‍ എന്നിവരാണ് ഗായകര്‍. മേക്കപ്പ് സന്തോഷ് വെണ്‍പകല്‍, കോസ്റ്റിയൂം ഡിസൈന്‍ തമ്പി ആര്യനാട്, ഫിനാന്‍സ് കണ്‍ട്രോളര്‍ ദില്ലി ഗോപന്‍, ലൈന്‍ പ്രൊഡ്യൂസര്‍ എ. കബീര്‍, പ്രൊഡക്ഷന്‍ കണ്‍ട്രോളര്‍ പ്രതാപന്‍ കല്ലിയൂര്‍, ഫോട്ടോ ഹരി തിരുമല, പി.ആര്‍.ഒ. വാഴൂര്‍ ജോസ്, എം.കെ. ഷെജിന്‍.
കൊല്ലം ജില്ലയിലെ അകത്തുമുറിയിലും പരിസരങ്ങളിലുമായി ചിത്രീകരണം പൂര്‍ത്തിയായ സിനിമ ഡിസംബറില്‍ റിലീസ് ചെയ്യും. കൃപ ഫിലിംസ് സൊല്യൂഷന്‍സ് കെ മൂവിസിലൂടെ ചിത്രം തീയേറ്ററില്‍ എത്തിക്കുന്നത്.
Recent Comments