പൊറിഞ്ചുമറിയം ജോസിന് ശേഷം ജോഷിയും ജോജുവും ഒന്നിക്കുന്ന ആന്റണിയുടെ ട്രെയിലര്‍ പുറത്തിറങ്ങി. ചിത്രം ഡിസംബര്‍ 1 ന് തിയറ്ററുകളിലെത്തും. ചെമ്പന്‍ വിനോദ്, നൈല ഉഷ, കല്യാണി പ്രിയദര്‍ശന്‍, ആശ ശരത് എന്നിവര്‍ സുപ്രധാന വേഷങ്ങളിലെത്തുന്നു.
വീണ്ടുമൊരു മാസ് കഥാപാത്രമായി ജോജു എത്തുമ്പോള്‍ മുഖാമുഖം നില്‍ക്കാന്‍ കല്യാണി പ്രിയദര്‍ശന്‍ ഉണ്ടെന്നതാണ് ചിത്രത്തിന്റെ ഹൈലൈറ്റ്. കല്യാണിയുടെ ആക്ഷന്‍ രംഗങ്ങള്‍ അതും മാസ്റ്റര്‍ ക്രാഫ്റ്റ്‌സ്മാന്‍ ജോഷിയുടെ സംവിധാനത്തില്‍ കാണാന്‍ കാത്തിരിക്കുകയാണ് ആരാധകര്‍. അമ്പരപ്പിക്കുന്ന തരത്തിലുള്ള വിശ്വല്‍സാണ് ട്രെയിലറില്‍ കാണാന്‍ കഴിയുന്നത്.
പ്രേക്ഷകര്‍ക്ക് ഒരു അക്ഷന്‍ മാസ് വിരുന്ന് തന്നെയായിരിക്കും ‘ആന്റണി’ എന്നത് നിസ്സംശയം പറയാം. രാജേഷ് വര്‍മ്മയാണ് ചിത്രത്തിന്റെ തിരക്കഥ ഒരുക്കിയത്. ജേക്‌സ് ബിജോയിയുടെ പശ്ചാത്തല സംഗീതവും രണദിവെയുടെ ഛായാഗ്രഹണവും പ്രതീക്ഷ ഉണര്‍ത്തുന്നതാണ്. നെക്സ്റ്റല്‍ സ്റ്റുഡിയോസ്, അള്‍ട്രാ മീഡിയ എന്റര്‍ടെയിന്‍മെന്റ് എന്നിവയോടൊപ്പം ചേര്‍ന്ന് ഐന്‍സ്റ്റിന്‍ മീഡിയയുടെ ബാനറില്‍ ഐന്‍സ്റ്റിന്‍ സാക് പോളാണ് ചിത്രം നിര്‍മ്മിക്കുന്നത്.
Recent Comments