കുട്ടിക്കാലം മുതല്‍ ഷെഫ് ആകാന്‍ ആഗ്രഹിച്ച ബ്രാഹ്‌മണ കുടുംബത്തിലെ ഒരു കഥാപാത്രത്തെയാണ് നയന്‍താര അവതരിപ്പിക്കുന്നത്. അന്നപൂരണിയുടെ ട്രെയിലര്‍ റിലീസ് ചെയ്തു. താരത്തിന്റെ 75-ാമത് ചിത്രം കൂടിയാണിത്. ഷെഫ് ആകുന്നതിന് വേണ്ടിയുള്ള പ്രതിസന്ധികളും അത് തരണം ചെയ്തശേഷമുള്ള തിരിച്ചുവരവുമാണ് ചിത്രം പ്രതിപാദിക്കുന്നത്. ഡിസംബര്‍ 1 നാണ് ചിത്രം തീയേറ്ററുകളില്‍ എത്തും.
ജയ്, സത്യരാജ്, അച്ചുത് കുമാര്‍, കെ.എസ്. രവികുമാര്‍, കുമാരി സച്ചു, രവിണ്‍ കിന്‍സലി, രേണുക, കാര്‍ത്തിക് കുമാര്‍, സുരേഷ് ചക്രവര്‍ത്തി എന്നിവരും പ്രധാന വേഷത്തിലെത്തുന്നു. രചനയും സംവിധാനവും നിര്‍വ്വഹിച്ചിരിക്കുന്നത് നീലേഷ് കൃഷ്ണയാണ്. ഒരു ഫാമിലി കോമഡി ഡ്രാമെന്നാണ് ചിത്രം എന്നാണ് സൂചന. ഇതിന് മുമ്പ് നയന്‍താര കോമഡി ചിത്രത്തില്‍ അഭിനയിച്ചത് കോലമാവ് കോകിലയിലാണ്. രാജാ റാണിക്ക് ശേഷം ജയ്‌യും നയന്‍താരയും ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്.
തമന്‍ എസ് ആണ് ചിത്രത്തിന് സംഗീതം ഒരുക്കിയിരിക്കുന്നത്. സത്യന്‍ സൂര്യ ഛായാഗ്രഹണവും പ്രവീണ്‍ ആന്റണി എഡിറ്റിംഗും നിര്‍വ്വഹിച്ചിരിക്കുന്നു.
.
Recent Comments