അനൂപ് മേനോനും ബിഗ് ബോസ് താരം ദില്‍ഷ പ്രസന്നനും കേന്ദ്ര കഥാപാത്രങ്ങളെ അവതരിപ്പിക്കുന്ന ഓ സിന്‍ഡ്രല്ല എന്ന ചിത്രത്തിന്റെ ട്രെയിലര്‍ പുറത്തിറങ്ങി. ഡിസംബര്‍ 7-നാണ് ചിത്രത്തിന്റെ റിലീസ്. അനൂപ് മേനോന്‍ സ്റ്റോറീസിന്റെ ബാനറില്‍ അനൂപ് മേനോന്‍ തന്നെ നിര്‍മ്മിക്കുന്ന ചിത്രത്തിന്റെ രചനയും അദ്ദേഹമാണ്. റിനോള്‍സ് റഹ്‌മാനാണ് സംവിധായകന്‍.
മലയാളം സിനിമാറ്റിക്ക് യൂണിവേഴ്‌സ്, പുരുഷപക്ഷ സിനിമ തുടങ്ങിയ രസകരമായ പ്രയോഗങ്ങളാണ് ചിത്രത്തെക്കുറിച്ച് ട്രെയിലറില്‍ കാണാന്‍ കഴിയുന്നത്. ആനുകാലിക മലയാള സിനിമ ലോകത്തിനെ ആക്ഷേപ ഹാസ്യത്തിലൂടെ നോക്കി കാണുകയാണ് സിന്‍ഡ്രല്ലയുടെ ട്രെയിലര്‍. റിലീസിന് ശേഷം ചിത്രം ധാരാളം ചര്‍ച്ചകള്‍ക്ക് വഴിവെക്കാനും സാധ്യതയുണ്ട്, അത്രമാത്രം സ്ഫോടനാത്മകമായ തമാശകളാണ് ട്രെയിലറില്‍ അടങ്ങിയിരിക്കുന്നത്.
സ്വയം പരിഹസിക്കുന്ന രീതിയിലാണ് അനൂപ് മേനോന്‍ ചിത്രത്തിന് ഡയലോഗുകള്‍ ഒരുക്കിയിരിക്കുന്നത്. എല്ലാ ട്രോളുകളെയും തന്റെ നേര്‍ക്ക് തന്നെ തിരിച്ചു വിടുകയാണ് അനൂപ് മേനോന്‍ ഇതിലൂടെ ചെയ്യുന്നത്. ‘അനൂപ് മേനോനെ പോലെ എല്ലാ മാസവും സിനിമ ചെയ്യുന്നില്ലല്ലോ’ എന്ന ട്രെയിലറിലെ ഡയലോഗും ശ്രദ്ധയമാണ്.
മഹാദേവന്‍ തമ്പിയാണ് ഛായാഗ്രാഹകന്‍. നന്ദു, ദിനേശ് പ്രഭാകര്‍, ശ്രീകാന്ത് മുരളി, പ്രശാന്ത് അലക്‌സാണ്ടര്‍, ബാദുഷ, മല്ലിക സുകുമാരന്‍, മാലാ പാര്‍വ്വതി എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
Recent Comments