പ്രണവ് മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്യുന്ന ചിത്രമാണ് വര്‍ഷങ്ങള്‍ക്കുശേഷം. ചിത്രത്തിന്റെ സെറ്റില്‍ നിവിന്‍പോളി ജോയിന്‍ ചെയ്തു. പ്രണവിനൊപ്പമുള്ള നിവിന്‍പോളിയുടെ ചിത്രം ഇപ്പോള്‍ സമൂഹമാധ്യമങ്ങളില്‍ വൈറലാവുകയാണ്. ഇതാദ്യമായാണ് ഇരുവരും ഒരുമിച്ച് അഭിനയിക്കുന്നത്.
ധ്യാന്‍ ശ്രീനിവാസന്‍, കല്യാണി പ്രിയദര്‍ശന്‍, ബേസില്‍ ജോസഫ്, അജു വര്‍ഗീസ്, നീത പിള്ള, നീരജ് മാധവ്, കലേഷ് രാമാനന്ദ്, അര്‍ജുന്‍ ലാല്‍, നിഖില്‍ നായര്‍ തുടങ്ങി ഒരു വലിയ താരനിര ചിത്രത്തിന്റെ ഭാഗമാകുന്നു. ഷാന്‍ റഹ്‌മാനും ചിത്രത്തില്‍ അഭിനയിക്കുന്നു.
ഹൃദയം എന്ന വിജയചിത്രത്തിന്റെ ശില്‍പ്പികള്‍ തന്നെയാണ് ഈ ചിത്രത്തിന്റെ അണിയറയില്‍ പ്രവര്‍ത്തിക്കുന്നത്. വിനീത് ശ്രീനിവാസന്‍ കഥയെഴുതി സംവിധാനം ചെയ്യുന്ന ചിത്രം മെറിലാന്റ് സിനിമാസിന്റെ ബാനറില്‍ വൈശാഖ് സുബ്രഹ്‌മണ്യമാണ് നിര്‍മ്മിക്കുന്നത്.
Recent Comments