സൗബിന്‍ ഷാഹിര്‍, നമിതാ പ്രമോദ് എന്നിവരെ പ്രധാന കഥാപാത്രങ്ങളാക്കി ബോബന്‍ സാമുവല്‍ സംവിധാനം ചെയ്യുന്ന ചിത്രത്തിന് പേരിട്ടു-മച്ചാന്റെ മാലാഖ. ക്രിസ്മസ് ദിനത്തില്‍ നടന്‍ പ്രഥ്വിരാജ് സുകുമാരന്റെ ഒഫീഷ്യല്‍ പേജിലൂടെയാണ് ചിത്രത്തിന്റെ ടൈറ്റില്‍ അനൗണ്‍സ്‌മെന്റ് നടത്തിയിരിക്കുന്നത്. അബാം മൂവീസിന്റെ ബാനറില്‍ ഏബ്രഹാം മാത്യുവാണ് ചിത്രം നിര്‍മ്മിക്കുന്നത്.
ബസ് കണ്ടക്ടറായ സജീവന്റേയും മെഡിക്കല്‍ ഷോപ്പു ജീവനക്കാരിയായ ലിജിമോളുടേയും ജീവിതമാണ് ചിത്രം പ്രധാനമായും ഫോക്കസ് ചെയ്യുന്നത്. ഭാര്യയുടെ അകമഴിഞ്ഞ സ്‌നേഹത്തോട് പൊരുത്തപ്പെടാന്‍ ശ്രമിക്കുന്ന ഭര്‍ത്താവ്. ഇതിന്റെ രസാവഹമായ മുഹൂര്‍ത്തങ്ങള്‍ക്കിടെയാണ് അപ്രതീക്ഷിതമായ ചില വഴിത്തിരിവുകള്‍ ഉണ്ടാകുന്നത്.
സജീവനെ സൗബിനും ലിജിമോളെ നമിതാ പ്രമോദും അവതരിപ്പിക്കുന്നത്. ദിലീഷ് പോത്തന്‍, ശാന്തികൃഷ്ണ, മനോജ് കെ.യു., വിനീത് തട്ടില്‍, ദര്‍ശന സുദര്‍ശന്‍, ശ്രുതി ജയന്‍, ആര്യ എന്നിവരും ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നു.
കഥ ജക്‌സന്‍ ആന്റണി, തിരക്കഥ അജീഷ് തോമസ്, സിന്റോസണ്ണിയുടെ വരികള്‍ക്ക് ഔസേപ്പച്ചന്‍ ഈണം പകര്‍ന്നിരിക്കുന്നു. ഛായാഗ്രഹണം വിനോദ് മേനോന്‍, എഡിറ്റിംഗ് രതീഷ് രാജ്, കലാസംവിധാനം സഹസ് ബാല, മേക്കപ്പ് ജിതേഷ് പൊയ്യ, കോസ്റ്റ്യൂംഡിസൈന്‍ അരുണ്‍ മനോഹര്‍, നിശ്ചല ഛായാഗ്രഹണം ഗിരി ശങ്കര്‍, ചീഫ് അസ്സോസ്സിയേറ്റ് ഡയറക്ടര്‍ ജിജോ ജോസ്, എക്‌സിക്കുട്ടീവ് പ്രൊഡ്യൂസര്‍ അമീര്‍ കൊച്ചിന്‍, പ്രൊഡക്ഷന്‍ മാനേജര്‍ അഭിജിത്ത് കെ.എസ്., പ്രൊഡക്ഷന്‍ എക്‌സിക്കുട്ടീവ്‌സ് പ്രതീഷ് മാവേലിക്കര, നസീര്‍ കാരന്തൂര്‍, പ്രൊഡക്ഷന്‍ കണ്‍ട്രോളര്‍ ദീപക് പരമേശ്വരന്‍. പി.ആര്‍.ഒ. വാഴൂര്‍ ജോസ്.
മാള, അന്നമനട, മുളന്തുരുത്തി എന്നിവിടങ്ങളിലായി ഷൂട്ടിംഗ് പൂര്‍ത്തിയായ ചിത്രം അബാം മൂവീസ് പ്രദര്‍ശനത്തിനെത്തിക്കുന്നു.
Recent Comments