നേരിന്റെ വന്‍ വിജയത്തിന് ശേഷം മോഹന്‍ലാല്‍ ആരാധകര്‍ ഏറ്റവും കൂടുതല്‍ കാത്തിരിക്കുന്ന ചിത്രമാണ് മലൈക്കോട്ടൈ വാലിബന്‍. ഇപ്പോള്‍ ചിത്രത്തിന്റെ ഏറ്റവും പുതിയ പോസ്റ്റര്‍ പുറത്ത് വന്നിരിക്കുകയാണ്. ലിജോ ജോസ് പല്ലിശ്ശേരി സംവിധാനം ചെയ്യുന്ന ചിത്രത്തിന്റെ ഇതുവരെയുള്ള എല്ലാ പോസ്റ്ററുകള്‍ക്കും വന്‍സ്വീകാര്യതയാണ് പ്രേക്ഷകരില്‍ നിന്ന് ലഭിച്ചിട്ടുള്ളത്. അതുപോലെ പുതിയ പോസ്റ്ററുകള്‍ക്കും സോഷ്യല്‍ മീഡിയയില്‍ മികച്ച പ്രതികരണമാണ് ലഭിക്കുന്നത്.
പോസ്റ്ററുകളിലെ മോഹന്‍ലാലിന്റെ ഗെറ്റപ്പാണ് ഏറെ ചര്‍ച്ച ചെയ്യപ്പെടുന്നത്. കാലവും സ്ഥലവും പ്രതിപാദിക്കാത്ത ഒരു യോദ്ധാവിന്റെ കഥയാണ് മലൈക്കോട്ടൈ വാലിബന്‍ എന്നാണ് മോഹന്‍ലാല്‍ തന്നെ മുമ്പ് വെളിപ്പെടുത്തിയത്. അതിനെ സാധൂകരിക്കുന്ന തരത്തിലുള്ള വമ്പന്‍ മേക്കോവറാണ് ചിത്രത്തില്‍ മോഹന്‍ലാല്‍ നടത്തിയിരിക്കുന്നത്.
വന്‍ ഹൈപ്പാണ് ചിത്രത്തിനുള്ളത്. ലിജോ ജോസ് പല്ലിശ്ശേരിയുടെ ഭാവനയില്‍ മോഹന്‍ലാല്‍ അവതരിക്കുന്നത് കാണാനുള്ള ആകാംഷയാണ് ഹൈപ്പിന് പിന്നില്‍. നേരിന് കിട്ടിയ ബോക്‌സ് ഓഫീസ് വിജയം ആവര്‍ത്തിക്കുമെന്നും ആദ്യ ദിന കളക്ഷനില്‍ വാലിബന്‍ റെക്കോര്‍ഡ് നേടുമെന്നാണ് ആരാധകരുടെ പ്രതീക്ഷ.
ജനുവരി 25നാണ് ചിത്രത്തിന്റെ റിലീസ്. അടുത്ത് പുറത്ത് വിട്ട പുന്നാര കാട്ടിലെ എന്ന ഗാനവും പ്രേക്ഷക ശ്രദ്ധ നേടിയിരുന്നു. ഷിബു ബേബി ജോണ്‍, അച്ചു ബേബി ജോണ്‍ എന്നിവരുടെ നേതൃത്വത്തിലുള്ള ജോണ്‍ ആന്‍ഡ് മേരി ക്രിയേറ്റിവിസ്, കൊച്ചുമോന്റെ ഉടമസ്ഥതയിലുള്ള സെഞ്ച്വറി ഫിലിംസ്, അനൂപിന്റെ മാക്‌സ് ലാബ്, വിക്രം മെഹ്റ, സിദ്ധാര്‍ഥ് ആനന്ദ് കുമാര്‍ എന്നിവരുടെ ഉടമസ്ഥയിലുള്ള സരിഗമ ഇന്ത്യാ ലിമിറ്റഡ് എന്നിവരാണ് ചിത്രത്തിന്റെ നിര്‍മ്മാതാക്കള്‍. ഛായാഗ്രഹണം മധു നീലകണ്ഠനാണ് നിര്‍വഹിച്ചിരിക്കുന്നത്.
Recent Comments