സുരേഷ് ഗോപിയുടെ ഏറ്റവും പുതിയ ചിത്രത്തിന് പേരിട്ടു- വരാഹം. സനല്‍ വി. ദേവനാണ് ചിത്രം സംവിധാനം ചെയ്യുന്നത്. മാവെറിക്ക് മൂവീസ് പ്രൈവറ്റ് ലിമിറ്റഡിന്റെയും സഞ്ജയ് പടിയൂര്‍ എന്റര്‍ടൈന്‍മെന്റ്‌സിന്റെയും ബാനറുകളിലാണ് ചിത്രം നിര്‍മ്മിക്കുന്നത്. വിനീത് ജയ്‌നും സഞ്ജയ്പടിയൂരുമാണ് നിര്‍മ്മാതാക്കള്‍.
ഡിസംബര്‍ 22-ാം തീയതി കാലടിയിലാണ് ചിത്രത്തിന്റെ ഷൂട്ടിംഗ് ആരംഭിച്ചത്. ചിത്രീകരണം ഇപ്പോഴും പുരോഗമിക്കുകയാണ്. സുരേഷ് ഗോപിക്കു പുറമേ സുരാജ് വെഞ്ഞാറമൂടും ഗൗതം മേനോനും മുഖ്യ കഥാപാത്രങ്ങളെ അവതരിപ്പിക്കുന്നത്. മലയാളത്തില്‍നിന്ന് ഒരു വലിയ താരനിരതന്നെ ചിത്രത്തിന്റെ ഭാഗമാകുന്നു. ഒരു ത്രില്ലര്‍ ചിത്രമാണ് വരാഹം.
വളരെ വ്യത്യസ്തമാര്‍ന്ന ഗെറ്റപ്പിലാണ് സുരേഷ്‌ഗോപി ചിത്രത്തില്‍ പ്രത്യക്ഷപ്പെടുന്നത്. ചിത്രത്തിന്റെ ഫസ്റ്റ് ലുക്ക് ജനുവരി 26 ന് റിലീസ് ചെയ്യും.
Recent Comments