ഐശ്വര്യാ പ്രൊഡക്ഷന്‍സിന്റെയും സീലിയ ഫിലിം സെര്‍ക്യൂട്ടിന്റെയും ബാനറില്‍ ബൈജു ഗോപാല്‍, അലക്‌സാണ്ടര്‍ ബിബിന്‍ എന്നിവര്‍ നിര്‍മ്മികുന്ന ചിത്രമാണിത്. എംപി ശ്രീ ആരിഫ് പൂജ ചടങ്ങില്‍ ഭദ്രദീപം തെളിയിച്ചു. ചടങ്ങില്‍ പ്രമുഖര്‍ പങ്കെടുക്കുകയുണ്ടായി.
മൂക്കില്ലാ രാജ്യത്ത്, വാരഫലം, ഈ പറക്കും തളിക എന്നീ സൂപ്പര്‍ ഹിറ്റ് കോമഡി ചിത്രങ്ങളുടെ സംവിധായകനായ താഹ നിരവധി ചിത്രങ്ങള്‍ സംവിധാനം ചെയ്തിട്ടുണ്ട്. ഒരു ഇടവേളയ്ക്കുശേഷം താഹ സംവിധാനം ചെയ്യുന്ന ചിത്രമാണ് കാജോളിന്റെ സിനിമാപ്രവേശം. സജി ദാമോദറാണ് ചിത്രത്തിന്റെ രചന നിര്‍വഹിക്കുന്നത്. കപ്പല്‍ മുതലാളി, ഹൈലെസ, മഹാരാജ ടാക്കീസ് എന്നീ ചിത്രങ്ങള്‍ക്ക് ശേഷം സജി ദാമോദര്‍ തിരക്കഥ നിര്‍വഹിക്കുന്ന ചിത്രമാണിത്.
സിനിമ സ്വപ്നം ചിറകിലേറ്റി, സെല്ലു ലോയിഡിന്റെ മായിക പ്രപഞ്ചത്തിലേക്ക് കടന്നുവരുവാന്‍ ശ്രമിക്കുന്ന കാജോള്‍ എന്ന പെണ്‍കുട്ടി. അവളുടെ ആദ്യത്തെ സിനിമ ലൊക്കേഷനിലെ ചിത്രീകരണവേളയില്‍ ഉണ്ടായ രസകരമായ അനുഭവങ്ങളാണ് ചിത്രത്തിന്റെ പ്രമേയം. ഹാസ്യത്തിന് പ്രാധാന്യം നല്‍കിയാണ് ചിത്രം ഒരുക്കിയിരിക്കുന്നത്. ജനുവരി അവസാനവാരം കായംകുളം മുതുകുളം ഗ്രാമപഞ്ചായത്ത് പ്രദേശങ്ങളില്‍ ചിത്രീകരണം ആരംഭിക്കുന്നു.
കാജോള്‍ എന്ന നായികാകഥാപാത്രത്തെ അവതരിപ്പിക്കുന്നത് പുതുമുഖം ഐശ്വര്യ ബൈജു ആണ്. ശ്രീജിത്ത്, ഗോകുലന്‍, രമേശ് പിഷാരടി, അഞ്ചു കുര്യന്‍, ഡയാന ഹമീദ്, നസീര്‍ സംക്രാന്തി, ജെയിന്‍ കെ പോള്‍, വിഷ്ണു എന്നിവരോടൊപ്പം പത്തൊമ്പതിലധികം പുതുമുഖതാരങ്ങളും അണിനിരക്കുന്നു.
ഛായാഗ്രഹണം പ്രതാപന്‍, എഡിറ്റിംഗ് പിസി മോഹന്‍, ആര്‍ട്ട് അനില്‍ കൊല്ലം, കോസ്റ്റ്യൂം ആര്യ, സന്തോഷ് വര്‍മ്മ എഴുതിയ ഗാനങ്ങള്‍ക്ക് സുമേഷ് ആനന്ദാണ് ഈണം പാര്‍ന്നിരിക്കുന്നത്. പ്രൊജക്റ്റ് ഡിസൈനര്‍ ഷാന്‍. കൊറിയോഗ്രാഫര്‍ ബാബു ഫൂട്ട് ലൂസേഴ്‌സ്,
പിആര്‍ഒ എം കെ ഷെജിന്‍.
Recent Comments