സമീപകാലത്ത് ഏറ്റവും വലിയ മുതല്‍ മുടക്കില്‍ നിര്‍മ്മിക്കുന്ന ലൗ സ്റ്റോറിയാണ് ഖല്‍ബ്. പുതുമുഖങ്ങളെ കേന്ദ്രകഥാപാത്രങ്ങളായി അവതരിപ്പിക്കുന്നു എന്നതാണ് ഈ ചിത്രത്തെ വ്യത്യസ്തമാക്കുന്നത്.
സാജിദ് യാഹ്യയാണ് ഖല്‍ബ് തിരക്കഥ എഴുതി സംവിധാനം ചെയ്യുന്നത്.
ഫ്രൈഡേ ഫിലിംസും ഫ്രാഗ്രന്റ് നേച്ചര്‍ ഫിലിം കിയേഷന്‍സും ചേര്‍ന്നാണ് ചിത്രം നിര്‍മ്മിക്കുന്നത്. വിജയ് ബാബുവാണ് നിര്‍മ്മാതാവ്. നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായ ചിത്രം ജനുവരി 12ന് പ്രദര്‍ശനത്തിനെത്തും.
തീവ്രപ്രണയം ഏതറ്റം വരേയും പോകും എന്നതാണ് സംവിധായകനായ സാജിദ് യാഹ്യ ചിത്രത്തിലൂടെ കാട്ടിത്തരുന്നത്. എണ്‍പതു ദിവസത്തോളം നീണ്ടുനിന്ന ചിത്രീകരണം, വ്യത്യസ്ഥമായ ലൊക്കേഷനുകള്‍, ഒരു ഡസനോളം വരുന്ന ഗാനങ്ങള്‍, അര ഡസനോളം വരുന്ന സംഘട്ടനങ്ങള്‍, ഹൃദ്യമായ മുഹൂര്‍ത്തങ്ങള്‍… ഒക്കെ ചേര്‍ന്ന ക്ലീന്‍ എന്റര്‍ടൈനറായിരിക്കും ഖല്‍ബ്.
പുതുമുഖം രഞ്ജിത്ത് സജീവും നെഹാ നസ്ലിനുമാണ് നായകനും നായികയും. സിദ്ദിഖും ലെനയും ഏറെ പ്രാധാന്യമുള്ള കഥാപാത്രങ്ങളെ അവതരിപ്പിക്കുന്നു. ഇരുപത്തിയഞ്ചോളം തെരഞ്ഞെടുത്ത പുതുമുഖങ്ങളും ചിത്രത്തിന്റെ ഭാഗമാകുന്നുണ്ട്. ജാഫര്‍ ഇടുക്കി, അബു സലിം, ചാലി പാലാ,, സരസ ബാലുശ്ശേരി, ആതിര, മനോഹരി ജോയ്, ശീധന്യ, കാര്‍ത്തിക് ശങ്കര്‍ എന്നിവരാണ് മറ്റഭിനേതാക്കള്‍.
ഗാനങ്ങള്‍ സുഹൈല്‍ കോയ, സംഗീതം പ്രകാശ് അലക്‌സ്, നിഹാല്‍, വിമല്‍. ഛായാഗ്രഹണം ഷാരോണ്‍ ശ്രീനിവാസ്, എഡിറ്റിംഗ് അമല്‍ മനോജ്, കലാസംവിധാനം അനീസ് നാടോടി, എക്‌സിക്യൂട്ടീവ് പ്രൊഡ്യൂസര്‍ വിനയ് ബാബു, പ്രൊഡക്ഷന്‍ എക്‌സിക്കുട്ടീവ് ഷിബു പന്തലക്കോട്, പ്രൊഡക്ഷന്‍ കണ്‍ടോളര്‍ ഷിബു ജി. സുശീലന്‍, പി.ആര്.ഒ. വാഴൂര്‍ ജോസ്, ഫോട്ടോ വിഷ്ണു എസ്.രാജന്‍.
Recent Comments