പ്രഖ്യാപനം മുതല്‍ പ്രേക്ഷകര്‍ ആകാംക്ഷയോടെ കാത്തിരിക്കുന്ന ചിത്രമാണ് മലൈക്കോട്ടൈ വാലിബന്‍. മോഹന്‍ലാലിനെ നായകനാക്കി ലിജോ ജോസ് പല്ലിശ്ശേരി സംവിധാനം ചെയ്യുന്ന ചിത്രം ജനുവരി 25 നാണ് തിയറ്ററുകളിലെത്തുന്നത്. റിലീസിന് മുന്നോടിയായി കുട്ടികള്‍ക്കായി ഒരു കോമിക് പുസ്തകം ഇറക്കിയിരിക്കുകയാണ് സിനിമയുടെ അണിയറ പ്രവര്‍ത്തകര്‍ ഇപ്പോള്‍. മോഹന്‍ലാല്‍ തന്നെയാണ് സോഷ്യല്‍ മീഡിയയില്‍ പങ്കുവെച്ച വീഡിയോയിലൂടെ കോമിക്ക് പുസ്തകം പരിചയപ്പെടുത്തിയത്.
‘എന്റെ പ്രിയപ്പെട്ട കൊച്ചുകൂട്ടുകാരെ, നിങ്ങളോട് കൂട്ടുകൂടാന്‍ പുതിയ ഒരാള്‍ വരികയാണ്. ആരാണെന്ന് അറിയണ്ടേ. വാലിബന്‍. ഈ വാലിബന്‍ കോമിക്സില്‍ തമാശയും പസ്സില്‍സും അങ്ങനെ കൂട്ടുകാര്‍ക്ക് ഇഷ്ടമുള്ള പലതുമുണ്ട്.’
‘ഇത് ഉടന്‍ തന്നെ നിങ്ങളുടെ അടുത്തേക്ക് എത്തുന്നതാണ്. എല്ലാവരും റെഡിയല്ലേ ഈ വരുന്ന ജനുവരി 25ന് ഈ വാലിബന്‍ നിങ്ങളെയെല്ലാം നേരിട്ട് കാണാന്‍ വരികയാണ്. മലൈക്കോട്ടൈ വാലിബന്‍ എന്ന സിനിമയിലൂടെ. എന്ന് നിങ്ങളുടെ സ്വന്തം വാലിബന്‍’ മോഹന്‍ലാല്‍ വീഡിയോയില്‍ പറഞ്ഞു.
#MalaikottaiVaaliban Comix all set to hypnotize 50000 little Vaalibans. #VaalibanComix | #VaalibanVaraar #VaalibanOnJan25 | #mohanlal |@Mohanlal @mrinvicible @shibu_babyjohn @achubabyjohn @mesonalee @danishsait #maxlab @YoodleeFilms pic.twitter.com/Z1QLwEtmhq
— John & Mary creative (@Johnmaryctve) January 12, 2024
ഷിബു ബേബി ജോണ്‍, അച്ചു ബേബി ജോണ്‍ എന്നിവരുടെ നേതൃത്വത്തിലുള്ള ജോണ്‍ ആന്‍ഡ് മേരി ക്രിയേറ്റിവിസ്, കൊച്ചുമോന്റെ ഉടമസ്ഥതയിലുള്ള സെഞ്ച്വറി ഫിലിംസ്, അനൂപിന്റെ മാക്‌സ് ലാബ്, വിക്രം മെഹ്റ, സിദ്ധാര്‍ഥ് ആനന്ദ് കുമാര്‍ എന്നിവരുടെ ഉടമസ്ഥയിലുള്ള സരിഗമ ഇന്ത്യാ ലിമിറ്റഡ് എന്നിവരാണ് ചിത്രത്തിന്റെ നിര്‍മ്മാതാക്കള്‍. ഛായാഗ്രഹണം മധു നീലകണ്ഠനാണ് നിര്‍വഹിച്ചിരിക്കുന്നത്.
Recent Comments