അനുമോഹനും അതിഥി രവിയും പ്രധാനവേഷത്തിലെത്തുന്ന ചിത്രമാണ് ബിഗ് ബെന്‍. ചിത്രം എഴുതി സംവിധാനം ചെയ്തിരിക്കുന്നത് ബിനോ അഗസ്റ്റിനാണ്. ചിത്രത്തിന്റെ ടൈറ്റില്‍ ലോഞ്ച് സിനിമ താരങ്ങളായ പ്രിഥ്വിരാജ്, ടൊവിനോ തോമസ്, ഉണ്ണി മുകുന്ദന്‍, ആന്റണി വര്‍ഗീസ് എന്നിവര്‍ സോഷ്യല്‍ മീഡിയ പേജുകളിലൂടെ നിര്‍വഹിച്ചു.
വിനയ് ഫോര്‍ട്ട്, അതിഥി രവി, മിയ, ചന്തുനാഥ്, വിജയ് ബാബു, ജാഫര്‍ ഇടുക്കി തുടങ്ങിയ താരങ്ങളും ചിത്രത്തില്‍ അണിനിരക്കുന്നു. ബ്രയിന്‍ട്രീ പ്രൊഡക്ഷന്‍സിന്റെ ബാനറില്‍ പ്രജയ് കമ്മത്ത്, എല്‍ദോ തോമസ്, സിബി അരഞ്ഞാണി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
പൂര്‍ണ്ണമായും യു.കെയുടെ പശ്ചാത്തലത്തിലുള്ള ഫാമിലി ത്രില്ലര്‍ ഡ്രാമയാണ് ചിത്രം. ബി.കെ ഹരിനാരായണന്റെ വരികള്‍ക്ക് കൈലാഷ് മേനോന്‍ സംഗീതം നല്‍കിയിരിക്കുന്നു. സജാദ് കാക്കുവാണ് ഛായാഗ്രഹണം.
Recent Comments