പ്രഭാസിന്റെ പുതിയ ചിത്രം രാജാസാബിന്റെ ഫസ്റ്റ് ലുക്ക് പോസ്റ്റര്‍ റിലീസായി. തെരുവീഥിയില്‍ പടക്കം പൊട്ടുന്ന വര്‍ണാഭമായ പശ്ചാത്തലത്തില്‍ കറുത്ത ഷര്‍ട്ടും വര്‍ണാഭമായ ധോത്തിയും ധരിച്ച പ്രഭാസിന്റെ ലുക്കാണ് പുറത്ത് വന്നിരിക്കുന്നത്. രാജാസാബ് എന്ന കഥാപാത്രമായി പ്രഭാസ് എത്തുന്ന ചിത്രം പീപ്പിള്‍ മീഡിയ ഫാക്ടറിയുടെ ബാനറില്‍ ടി.ജി. വിശ്വപ്രസാദാണ് നിര്‍മ്മിക്കുന്നത്. മാരുതിയാണ് സംവിധായകന്‍. വിവേക് കുച്ചിബോട്‌ലയാണ് ചിത്രത്തിന്റെ സഹനിര്‍മ്മാണം. തമന്‍ എസ് ആണ് സംഗീതസംവിധായകന്‍.
‘രാജാ സാബ്’ ഇന്നുവരെയുള്ള എന്റെ ഏറ്റവും വലിയ പ്രോജക്റ്റുകളില്‍ ഒന്നാണ്. പ്രഭാസുമായും പീപ്പിള്‍ മീഡിയ ഫാക്ടറിയുമായും സഹകരിക്കുന്നത് ഒരു ചലച്ചിത്രകാരന്‍ എന്ന നിലയില്‍ എനിക്ക് അഭിമാനവും ആവേശവുമാണ്. ഞങ്ങളുടെ പ്രേക്ഷകര്‍ക്ക് ഒരു ഗംഭീരമായ ഹൊറര്‍ അനുഭവം നല്‍കാന്‍ ഞങ്ങള്‍ തയ്യാറാണ്. ഞങ്ങളുടെ ഹൊറര്‍ ആഖ്യാനത്തില്‍ പ്രഭാസിന്റെ ഇലക്ട്രിഫൈയിംഗ് സ്‌ക്രീന്‍ സാന്നിധ്യം പ്രേക്ഷകരെ അമ്പരപ്പിക്കുമെന്ന് ഉറപ്പാണ്.’
സംവിധായകന്‍ മാരുതി പറഞ്ഞു.
തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലാണ് രാജാ സാബ് റിലീസ് ചെയ്യുന്നത്. പി ആര്‍ ഓ പ്രതീഷ് ശേഖര്‍.
Recent Comments