നടി സ്വാസിക വിജയ്‌യും ടെലിവിഷന്‍ താരമായ പ്രേം ജേക്കബും വിവാഹിതരാകുന്നു. ജനുവരി 26 ന് തിരുവനന്തപുരത്താണ് വിവാഹം. ദീര്‍ഘ കാലത്തെ പ്രണയത്തിന് ശേഷമാണ് വിവാഹം.
‘മനംപോലെ മംഗല്യം’ എന്ന സീരിയലില്‍ ഇരുവരും ഒന്നിച്ച് അഭിനയിച്ചിരുന്നു. ഓണ്‍സ്‌ക്രീന്‍ ജോഡികള്‍ എന്ന നിലയില്‍ സ്വാസികയും പ്രേംജേക്കബും ഒന്നിച്ചുള്ള ഫോട്ടോഷൂട്ടും അന്ന് വൈറലായിരുന്നു. ഷൂട്ടിങ് ഇടവേളകളില്‍ പ്രേമിനൊപ്പം പകര്‍ത്തുന്ന റീല്‍സ് വീഡിയോകള്‍ ഇടയ്ക്കിടെ സ്വാസിക പങ്കുവെക്കാറുണ്ടായിരുന്നു.
2009ല്‍ വൈഗയെന്ന തമിഴ് ചിത്രത്തിലൂടെയാണ് സ്വാസിക അഭിനയം ആരംഭിച്ചത്. ദത്തുപുത്രി എന്ന സീരിയലില്‍ അഭിനയിച്ച് ശ്രദ്ധനേടിയ സ്വാസികയ്ക്ക് സീരിയല്‍ ഒരു വലിയ ബ്രേക്കായി മാറുകയായിരുന്നു. ഇതുവരെ ഏതാണ്ട് 40ലേറെ ചിത്രങ്ങളില്‍ സ്വാസിക അഭിനയിച്ചിട്ടുണ്ട്. വേറിട്ട തരത്തിലുള്ള ഫോട്ടോഷൂട്ടുകള്‍ താരം സോഷ്യല്‍ മീഡിയ വഴി പ്രേക്ഷകര്‍ക്കായി സ്വാസിക പങ്കുവെക്കാറുണ്ട്.
View this post on Instagram
വിവേകാനന്ദന്‍ വൈറലാണ് എന്ന ചിത്രത്തിലാണ് ഏറ്റവും ഒടുവില്‍ സ്വാസിക അഭിനയിച്ചത്. വാസന്തി എന്ന സിനിമയിലെ അഭിനയത്തിന് സ്വാസികയ്ക്ക് മികച്ച സഹനടിക്കുള്ള അവാര്‍ഡ് ലഭിച്ചിരുന്നു.
Recent Comments