മലയാളി താരം ഷെയിന്‍ നിഗം ഇനി തമിഴിലേക്ക്. ദുല്‍ഖര്‍ സല്‍മാനാണ് ഷെയിന്‍ നിഗത്തിന്റെ ആദ്യ തമിഴ് ചിത്രം പ്രഖ്യാപിച്ചത്. മലയാള സിനിമയിലെ പ്രതിഭാധനനായ നടന്‍ ഷെയിന്‍ നിഗത്തിന്റെ ആദ്യ തമിഴ് ചിത്രത്തിന് മദ്രാസ്‌കാരന്‍ എന്നാണ് പേരിട്ടിരിക്കുന്നത്. അവിസ്മരണീയമായ ചില ചിത്രങ്ങളിലൂടെയും അസാധാരണമായ പ്രകടനങ്ങളിലൂടെയും ഷെയ്ന്‍ നിഗം മലയാള സിനിമയില്‍ തന്റേതായ സ്ഥാനം ഉറപ്പിച്ച താരമാണ്. RDX എന്ന ആക്ഷന്‍ ത്രില്ലറിലൂടെ തന്റെ കരിയറിലെ ഏറ്റവും വലിയ ബ്ലോക്ക്ബസ്റ്റര്‍ നേടിയ നടന്‍ ഷെയിന്‍ നിഗത്തിന്റെ രംഗോലി എന്ന ചിത്രം സംവിധാനം ചെയ്ത വാലി മോഹന്‍ദാസാണ് സംവിധാനം ചെയ്യുന്നത്. കലൈയരശന്‍, നിഹാരിക കൊണ്ടേല എന്നിവര്‍ മറ്റു കേന്ദ്ര കഥാപാത്രങ്ങളെ അവതരിപ്പിക്കുന്നു. എസ് ആര്‍ പ്രൊഡക്ഷന്‍സിന്റെ ബാനറില്‍ ബി. ജഗദീഷ് ആണ് നിര്‍മ്മിക്കുന്ന ആദ്യ ചിത്രമാണിത്. സുന്ദരമൂര്‍ത്തി സംഗീത സംവിധാനം ചെയ്യുന്ന ചിത്രത്തിന്റെ ഛായാഗ്രഹണം നിര്‍വഹിക്കുന്നത് പ്രസന്ന എസ് കുമാറാണ്.
രസകരമായ അനൗണ്സ്മെന്റ് വീഡിയോയോടെയാണ് മദ്രാസ്‌കാരന്‍ ടീം ഔദ്യോഗികമായി പദ്ധതി പ്രഖ്യാപിച്ചത്. അനൗണ്സ്മെന്റ് വീഡിയോയില്‍, സംവിധായകനും മദ്രാസ്‌കരന്‍ ടീം അംഗങ്ങളും ഷെയ്ന്‍ നിഗത്തോട് ഒരു കഥ വിവരിക്കുന്നത് കാണാം. നടന്‍ സ്വന്തം ചിന്തകളില്‍ നഷ്ടപ്പെട്ട, ഇതിഹാസ താരങ്ങളായ ശിവാജി ഗണേശന്‍, സൂപ്പര്‍സ്റ്റാര്‍ രജനീകാന്ത്, ദളപതി വിജയ് എന്നിവരുള്‍പ്പെടെ പ്രശസ്തരായ അഭിനേതാക്കളെ അവതരിപ്പിക്കാന്‍ തുടങ്ങുന്നു. എന്നാല്‍, ആശയക്കുഴപ്പത്തിലായ സംവിധായകനും സംഘവും അദ്ദേഹത്തിന്റെ ശ്രമങ്ങളെ അഭിനന്ദിക്കാതെ നില്‍ക്കുന്നു, താന്‍ കൊച്ചിയിലേക്ക് പോകുകയാണെന്ന് താരം അറിയിച്ചു. എന്നിരുന്നാലും, ഷെയ്ന്‍ നിഗം ‘ഇതെല്ലാം വേലയ്ക്ക് ആവാത്’ എന്ന് പറഞ്ഞ രീതി സംവിധായകനെ ആകര്‍ഷിച്ചു, അദ്ദേഹത്തെ തന്റെ പ്രോജക്റ്റില്‍ അഭിനയിക്കാന്‍ തീരുമാനിക്കുന്നു. പിന്നീട്, സിനിമയില്‍ നിര്‍ബന്ധിത കുത്തു പാട്ടോ പ്രണയമോ ലഹരിയോ നൃത്തമോ മെഷീന്‍ ഗണ്‍ ഫൈറ്റ് സീനോ ഉണ്ടോ എന്ന് താരം അന്വേഷിക്കുന്നു. ഈ ചിത്രത്തിന് ക്ലീഷെ ഘടകങ്ങളൊന്നും ഇല്ലെന്ന് ടീമംഗങ്ങള്‍ മറുപടി നല്‍കുമ്പോള്‍, അദ്ദേഹം ഉടന്‍ തന്നെ പ്രോജക്റ്റിനോട് യോജിക്കുന്നു. ഷെയിന്‍ നിഗം രസകരമായ ഒരു പ്രോജക്റ്റുമായി തമിഴില്‍ അരങ്ങേറ്റം കുറിക്കുകയാണെന്ന് പ്രഖ്യാപന ടീസറില്‍നിന്ന് വ്യക്തമാണ്. പിആര്‍ഒ പ്രതീഷ് ശേഖര്‍.
Recent Comments