മലയാളികള്‍ നെഞ്ചോട് ചേര്‍ത്തുപിടിച്ച പ്രതിഭകളാണ് യേശുദാസും മോഹന്‍ലാലും. ഏറെക്കാലത്തെ ഇടവേളയ്ക്കുശേഷം ഇരുവരും തമ്മില്‍ കാണുകയും സൗഹൃദം പങ്കുവെയ്ക്കുകയും ചെയ്തിരിക്കുകയാണ്.
നിലവില്‍ മലയാള സിനിമയില്‍ അത്ര സജീവമല്ലാത്ത യേശുദാസ് കുടുംബത്തിനൊപ്പം അമേരിക്കയിലാണ് താമസം. അമേരിക്കയിലെ അദ്ദേഹത്തിന്റെ വസതിയില്‍ സുഹൃത്തുക്കള്‍ക്കൊപ്പമായിരുന്നു മോഹന്‍ലാലിന്റെ സന്ദര്‍ശനം. കൂടിക്കാഴ്ചയുടെ ചിത്രങ്ങള്‍ മോഹന്‍ലാല്‍ സോഷ്യല്‍ മീഡിയയില്‍ പോസ്റ്റ് ചെയ്തിട്ടുണ്ട്.
നിലവില്‍ താന്‍ ആദ്യമായി സംവിധാനം ചെയ്യുന്ന ബറോസിന്റെ പോസ്റ്റ് പ്രൊഡക്ഷന്‍ തിരക്കുകളിലാണ് മോഹന്‍ലാല്‍. ഹോളിവുഡിലെ സോണി സ്റ്റുഡിയോയില്‍ ബറോസ് സിനിമ കാണാനെത്തിയ വിവരം താരം നേരത്ത അറിയിച്ചിരുന്നു. ത്രീഡി ചിത്രമായൊരുങ്ങുന്ന ബറോസിന്റെ സംഗീതത്തിന്റെയും സൗണ്ടിന്റെയും ജോലികള്‍ ഇവിടെയാണ് നടക്കുന്നത്.
Recent Comments