ദിലീപ് നായകനാകുന്ന പവി കെയര്‍ ടേക്കര്‍ എന്ന ചിത്രത്തിന്റെ ടീസര്‍ പുറത്തിറങ്ങി. ചിത്രം സംവിധാനം ചെയ്യുന്നത് വിനീത് കുമാറാണ്. ഗ്രാന്‍ഡ് പ്രൊഡക്ഷന്‍സിന്റെ ബാനറില്‍ ദിലീപ് തന്നെയാണ് ഈ ചിത്രം നിര്‍മ്മിക്കുന്നത്. അരവിന്ദന്റെ അതിഥികള്‍ക്ക് ശേഷം രാജേഷ് രാഘവന്‍ തിരക്കഥയൊരുക്കുന്ന ചിത്രം കൂടിയാണിത്.
ചിത്രത്തില്‍ ഒരു ഫ്‌ലാറ്റിന്റെ കെയര്‍ ടേക്കറായിട്ടാണ് ദിലീപ് വേഷമിടുന്നത്. ദിലീപിന്റെ അകമ്പടി സേവിക്കുന്ന ഒരു പട്ടിയേയും ടീസറില്‍ കാണാം. ഒരു മുഴുനീള കോമഡി ചിത്രത്തിന്റെ രൂപഭാവങ്ങളാണ് പ്രകടമാകുന്നത്. ഒരു ദിലീപ് ഷോ തന്നെയായിരിക്കും ചിത്രമെന്നത് ടീസറില്‍ നിന്ന് വ്യക്തം.
അഞ്ച് പുതുമുഖ നായികമാരും ചിത്രത്തിലുണ്ട്. ജോണി ആന്റണി, രാധിക ശരത്കുമാര്‍, ധര്‍മജന്‍ ബോള്‍ഗാട്ടി, സ്പടികം ജോര്‍ജ് തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്.മിഥുന്‍ മുകുന്ദനാണ് ചിത്രത്തിന്റെ സംഗീത സംവിധായകന്‍.
Recent Comments