ഏറെ പ്രതീക്ഷയോടെ കാത്തിരിക്കുന്ന ബ്ലോക്ക്ബസ്റ്റര്‍ ചിത്രം ‘ബഡേ മിയാന്‍ ചോട്ടെ മിയാന്‍’ന്റെ ടൈറ്റില്‍ ട്രാക്ക് റിലീസ് ചെയ്തു. അക്ഷയ് കുമാറാണ് സോഷ്യല്‍ മീഡിയയിലൂടെ ടൈറ്റില്‍ ട്രാക്ക് റിലീസ് ചെയ്തത്. അബുദാബിയിലെ ജെറാഷിലും റോമന്‍ തിയേറ്ററിന്റെ മാസ്മരിക പശ്ചാത്തലത്തിലും ചിത്രീകരിച്ച ആദ്യ ഗാനം കേവലമൊരു ഷോസ്റ്റോപ്പറാണ്.
ബോളിവുഡിലെ പവര്‍ പാക്ക്ഡ് ജോഡികളായ അക്ഷയ് കുമാറും ടൈഗര്‍ ഷ്റോഫും തീപ്പൊരി പാറിച്ച ടൈറ്റില്‍ ട്രാക്ക് വെറുമൊരു പാട്ടല്ല; 100-ലധികം നര്‍ത്തകര്‍ പങ്കെടുക്കുന്ന ഒരു വിഷ്വല്‍ വിരുന്നാണ്. ‘തേരെ പീച്ചെ തേരാ യാര്‍ ഖദാ’ എന്ന ഹുക്ക് ലൈന്‍ എല്ലാവരുടെയും ചുണ്ടുകളിലെ അടുത്ത ക്യാച്ച് ഫ്രെയ്സ് ആകാന്‍ ഒരുങ്ങുകയാണ്. ഇത് വെറുമൊരു പാട്ടല്ല; പകരം രണ്ട് ശക്തികേന്ദ്രങ്ങള്‍ തമ്മിലുള്ള അഭേദ്യമായ ബന്ധത്തിന്റെ ആഘോഷമാണിത്. ടൈറ്റില്‍ സോംഗ് കൊറിയോഗ്രാഫ് ചെയ്തത് ബോസ്‌കോ സീസര്‍, ആലപിച്ചത് അനിരുദ്ധ് രവിചന്ദറും വിശാല്‍ മിശ്രയും ചേര്‍ന്നാണ്. ഡെറാഡൂണില്‍ വെച്ചാണ് ഈ ഗാനം ഗാനരചയിതാവ് ഇര്‍ഷാദ് കാമില്‍ രചിച്ചത്.
അലി അബ്ബാസ് സഫര്‍ സംവിധാനം ചെയ്യുന്ന ഈ ചിത്രത്തില്‍ പൃഥ്വിരാജാണ് കബീര്‍ എന്ന വില്ലന്‍ കഥാപാത്രത്തെ അവതരിപ്പിക്കുന്നത്. ഇത് ആദ്യമായാണ് അക്ഷയും ടൈഗറും ഇന്ത്യയിലെ ഏറ്റവും വലിയ ആക്ഷന്‍ സിനിമയില്‍ ഒരുമിച്ച് അഭിനയിക്കുന്നത്. മുംബൈ, ലണ്ടന്‍, അബുദാബി, സ്‌കോട്ട്ലന്‍ഡ്, ജോര്‍ദാന്‍ തുടങ്ങിയ അതിമനോഹരമായ ലൊക്കേഷനുകളില്‍ ചിത്രീകരിച്ച ഈ പാന്‍-ഇന്ത്യ സിനിമയില്‍ സോനാക്ഷി സിന്‍ഹ, മാനുഷി ചില്ലര്‍, അലയ എഫ് എന്നിവരാണ് നായികമാര്‍. രോണിത്ത് റോയ് മറ്റൊരു പ്രധാനകഥാപാത്രത്തെ അവതരിപ്പിക്കുന്നു. വഷു ഭഗ്‌നാനിയും പൂജ എന്റര്‍ടൈന്‍മെന്റും ചേര്‍ന്ന് അലി അബ്ബാസ് സഫര്‍ ഫിലിംസുമായി സഹകരിച്ചാണ് ചിത്രത്തിന്റെ നിര്‍മ്മാണം. വഷു ഭഗ്‌നാനി, ദീപ്ഷിഖ ദേശ്മുഖ്, ജാക്കി ഭഗ്‌നാനി, ഹിമാന്‍ഷു കിഷന്‍ മെഹ്‌റ, അലി അബ്ബാസ് സഫര്‍ എന്നിവരാണ് നിര്‍മ്മാതാക്കള്‍. അലി അബ്ബാസ് സഫറും ആദിത്യ ബസുവും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ആക്ഷന്‍ ത്രില്ലര്‍ എന്റര്‍ടെയിനര്‍ ഗണത്തിലുള്ള ചിത്രത്തിന്റെ കൂടുതല്‍ കാര്യങ്ങള്‍ ഉടന്‍തന്നെ വരാനിരിക്കുന്നുവെന്ന് നിര്‍മ്മാതക്കള്‍ അറിയിച്ചു. ഹിന്ദി, തമിഴ്, തെലുങ്ക്, മലയാളം, കന്നഡ ഭാഷകളില്‍ ചിത്രം ഈദ് റിലീസ് ആയി ഏപ്രിലില്‍ തിയറ്ററുകളിലെത്തും. വാര്‍ത്ത പ്രചാരണം: പി.ശിവപ്രസാദ്
Recent Comments