ധനുഷ് നായകനാകുന്ന പുതിയ ചിത്രത്തിന് പേരിട്ടു- രായന്‍. ധനുഷിന്റെ 50-ാമത് ചിത്രംകൂടിയാണിത്. തിരക്കഥയും സംവിധാനം ധനുഷ് തന്നെയാണ് നിര്‍വ്വഹിക്കുന്നത്. സണ്‍ പിക്‌ച്ചേഴ്‌സിന്റെ ബാനറില്‍ കലാനിധി മാരനാണ് ചിത്രം നിര്‍മ്മിക്കുന്നത്. കഴിഞ്ഞ ദിവസം ചിത്രത്തിന്റെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തു.
പോസ്റ്ററില്‍ ഇതുവരെ കാണാത്ത ഗെറ്റപ്പിലാണ് ധനുഷിനെ കാണാന്‍ കഴിയുന്നത്. ഒരു ആക്ഷന്‍ പാക്ക്ഡ് ചിത്രമായിരിക്കുമെന്നാണ് പോസ്റ്റര്‍ സൂചിപ്പിക്കുന്നത്. കാളിദാസ് ജയറാമും സുന്ദീപ് കിഷനുമാണ് മറ്റു പ്രധാന താരങ്ങള്‍. കഴിഞ്ഞ വര്‍ഷം ജൂലൈയിലാണ് ചിത്രത്തിന്റെ ഷൂട്ടിംഗ് ആരംഭിച്ചത്.
RAAYAN #D50 @sunpictures @arrahman pic.twitter.com/DdDNlJPVxw
— Dhanush (@dhanushkraja) February 19, 2024
എ.ആര്‍. റഹ്‌മാന്‍ സംഗീതം നിര്‍വ്വഹിക്കുന്ന ചിത്രത്തിന്റെ ഛായാഗ്രാഹന്‍ ഓംപ്രകാശാണ്. പീറ്റര്‍ ഹെയ്ന്‍ ആണ് സംഘട്ടനം നിര്‍വ്വഹിക്കുന്നത്.
ധനുഷിന്റെ മൂന്നാമത്തെ സംവിധാന സംരംഭമാണ് രായന്‍. ആദ്യചിത്രം പാ പാണ്ടി. രണ്ടാമത്തേത് നിലവുക്ക് എന്‍മേല്‍ എന്നടീ കോപവും. മലയാളികളായ മാത്യു തോമസും അനിഖാ സുരേന്ദ്രനും പ്രിയാവാര്യരുമാണ് മുഖ്യ വേഷങ്ങളില്‍ അഭിനയിച്ചത്.
Recent Comments