ബ്ലെസിയുടെ ആടുജീവിതം മാര്‍ച്ച് 28 ന് ലോകമെമ്പാടുമുള്ള തീയേറ്ററുകളില്‍ പ്രദര്‍ശനത്തിനെത്തും. ചിത്രത്തിന്റെ അണിയറപ്രവര്‍ത്തകര്‍ തന്നെയാണ് തൊട്ടുമുമ്പ് റിലീസ് തീയതി പ്രഖ്യാപിച്ചത്. പൃഥ്വിരാജ് കേന്ദ്ര കഥാപാത്രത്തിലെത്തുന്ന ആടുജീവിതം ഇതിനോടകംതന്നെ ഏറെ വാര്‍ത്താപ്രാധാന്യം നേടി കഴിഞ്ഞിരിക്കുന്നു. ബെന്യാമിന്റെ ആടുജീവിതം എന്ന നോവല്‍ പ്രസിദ്ധീകരിച്ച് പതിനാറ് വര്‍ഷം പിന്നിടുമ്പോഴാണ് ഈ ചിത്രം അഭ്രപാളികളില്‍ എത്താന്‍ ഒരുങ്ങുന്നതും. മുമ്പ് പലരും ഈ നോവല്‍ സിനിമയാക്കാന്‍ ശ്രമിച്ചിരുന്നെങ്കിലും ഏറ്റവും ഒടുവില്‍ അതിന് നിയോഗമുണ്ടായത് ബ്ലെസിക്കാണ്. പത്ത് വര്‍ഷത്തോളം എടുത്താണ് അദ്ദേഹം തിരക്കഥ പൂര്‍ത്തിയാക്കിയത്. ചിത്രീകരണത്തിന് മാത്രമായി ആറ് വര്‍ഷവും വേണ്ടിവന്നു.
ചിത്രത്തിന്റെ റിലീസിന് മുന്നോടിയായി പ്രൗഢഗംഭീരമായ ഓഡിയോ ലോഞ്ചും സംഘടിപ്പിക്കുന്നുണ്ട്. മാര്‍ച്ച് 10 നാണ് ഓഡിയോ ലോഞ്ച്. ചിത്രത്തിന്റെ സംഗീതസംവിധായകന്‍ കൂടിയായ എ.ആര്‍. റഹ്‌മാന്റെ ലൈവ് കണ്‍സേര്‍ട്ടാണ് പ്രധാന ആകര്‍ഷണം.
Recent Comments