മലൈക്കോട്ടൈ വാലിബന്‍ ഫെബ്രുവരി 23 മുതല്‍ ഡിസ്നി + ഹോട്ട്സ്റ്റാറില്‍ സ്ട്രീമിങ് ആരംഭിക്കുന്നു.
ലിജോ ജോസ് പെല്ലിശ്ശേരിയും മോഹന്‍ലാലും ആദ്യമായി ഒന്നിച്ച മലൈക്കോട്ടൈ വാലിബന്‍ നിര്‍മ്മിച്ചിരിക്കുന്നത് സെഞ്ച്വറി ഫിലിംസ്, ജോണ്‍ മേരി ക്രിയേറ്റീവ്‌സ്, മാക്‌സ്ലാബ്, സരിഗമ തുടങ്ങിയ ബാനറുകള്‍ ചേര്‍ന്നാണ്. സെഞ്ച്വറി കൊച്ചുമോന്‍, ഷിബു ബേബി ജോണ്‍, ജേക്കബ് കെ ബാബു, വിക്രം മേഹ്‌റ, സിദ്ധാര്‍ഥ് ആനന്ദ് കുമാര്‍ എന്നിവരാണ് നിര്‍മ്മാതാക്കള്‍. ലിജോയും പി എസ് റഫീക്കും ചേര്‍ന്നാണ് തിരക്കഥ നിര്‍വ്വഹിച്ചിരിക്കുന്നത്.
നാടോടിക്കഥകള്‍ പറയുന്ന ശൈലിയിലാണ് ചിത്രത്തിന്റെ കഥ മുന്നോട്ടുപോകുന്നത്. ഓരോ ദേശത്തും എത്തി അവിടെയുള്ള ഏറ്റവും ശക്തിമാനായ മല്ലനെ മല്ലയുദ്ധത്തില്‍ തോല്‍പ്പിച്ച് നാടുകള്‍തോറും സഞ്ചരിക്കുന്നയാളായാണ് ലിജോ വാലിബനെ അവതരിപ്പിച്ചിരിക്കുന്നത്.
മധു നീലകണ്ഠന്റെ വൈഡ് ഫ്രെയിമുകളും പ്രശാന്ത് പിള്ളയുടെ സംഗീതവും ദീപു ജോസഫിന്റെ എഡിറ്റിങും പ്രേക്ഷകര്‍ക്ക് മറ്റൊരു ലോകം കാണിച്ചു കൊടുത്തു. കൂടാതെ ധനീഷ് സെയ്ട്ട്, ഹരീഷ് പേരടി, സോണലി കുല്‍കര്‍ണ്ണി, കഥാ നന്തി തുടങ്ങിയവരുടെ വേഷ പകര്‍ച്ചയും വാലിബനെ മറ്റൊരു തലത്തില്‍ എത്തിക്കാന്‍ സാധിച്ചിട്ടുണ്ട്.
ലിജോ ജോസ് ഒരുക്കിയ മനോഹരമായ ഈ മുത്തശ്ശി കഥ ഇനി മുതല്‍ ഡിസ്നി + ഹോട്ട്സ്റ്റാറില്‍ കാണാം.
Recent Comments