ആരാധകര്‍ ഏറെ ആവേശത്തോടെ കാത്തിരിക്കുന്ന ചിത്രമാണ് സൂര്യയുടെ കങ്കുവ. ചിത്രത്തില്‍ സൂര്യയുടെ ഡബ്ബിംഗ് ആരംഭിച്ചെന്ന വാര്‍ത്തയാണ് ഇപ്പോള്‍ പുറത്തു വരുന്നത്. നിര്‍മ്മാണ കമ്പനിയായ സ്റ്റുഡിയോ ഗ്രീന്‍ ആണ് വിവരം ഫേസ്ബുക്കിലൂടെ അറിയിച്ചത്. സൂര്യ ഡബ് ചെയ്യുന്നതും മറ്റ് സൗണ്ട് എഞ്ചിനീയര്‍മാരുമായി നില്‍ക്കുന്ന ചിത്രങ്ങളും പങ്കുവെച്ചു.
ചിത്രത്തിന്റെ സംവിധാനം നിര്‍വഹിക്കുന്നത് സിരുത്തൈ ശിവയാണ്. സംവിധായകന്‍ കെ.ഇ. ജ്ഞാനവേലിന്റെ അഡ്‌നാഹ് ആര്‍ട്ട് സ്റ്റുഡിയോസിലാണ് ഡബ്ബിംഗ് നടക്കുന്നത്. ഈ സ്റ്റുഡിയോയുടെ ഉദ്ഘാടന ചിത്രം കൂടിയാണ് കങ്കുവ.
ബോബി ഡിയോളാണ് സിനിമയില്‍ വില്ലനായി എത്തുന്നത്. ബോബി ഡിയോളിന്റെ കോളിവുഡ് അരങ്ങേറ്റം കൂടിയാണ് കങ്കുവ. ദേവി ശ്രീപ്രസാദ് ആണ് സംഗീതം. ഛായാഗ്രഹണം വെട്രി പളനിസാമി. മലയാളിയായ നിഷാദ് യൂസഫാണ് ചിത്രത്തിന്റെ എഡിറ്റിങ് നിര്‍വഹിച്ചിരിക്കുന്നത്.
Recent Comments