പ്രേക്ഷകരുടെ പ്രിയതാരമായ നാനിക്ക് പിറന്നാള്‍ ആശംസകള്‍ നേര്‍ന്ന് ‘സരിപോദാ ശനിവാരം’ ടീം ബര്‍ത്ത്‌ഡേ സ്‌പെഷ്യല്‍ പോസ്റ്റര്‍ പുറത്തിറക്കി. പോസ്റ്ററിനോടൊപ്പം ചിത്രത്തിന്റെ ടീസറും റിലീസ് ഡേറ്റും അണിയറ പ്രവര്‍ത്തകര്‍ പുറത്തുവിട്ടിട്ടുണ്ട്. മാസ്സ് ആക്ഷന്‍ രംഗങ്ങളോടെ കളര്‍ഫുളായെത്തിയ ടീസര്‍ നാനിയുടെ കഥാപാത്രത്തിന്റെ സ്വഭാവം വ്യക്തമാക്കുന്നു. സൂര്യ എന്ന കഥാപാത്രമായി നാനി വേഷമിടുന്ന ചിത്രം ഓഗസ്റ്റ് 29ന് തിയറ്ററുകളിലെത്തും. വിവേക് ആത്രേയ സംവിധാനം ചെയ്യുന്ന ഈ ബിഗ് ബജറ്റ് ചിത്രം ഡിവിവി എന്റര്‍ടെയിന്‍മെന്റിന്റെ ബാനറില്‍ ഡിവിവി ദനയ്യയും കല്യാണ്‍ ദാസരിയും ചേര്‍ന്നാണ് നിര്‍മ്മിക്കുന്നത്. തമിഴ്-തെലുങ്ക് സിനിമകളില്‍ നായികയായി തിളങ്ങിയ പ്രിയങ്ക മോഹനാണ് നായിക. തമിഴ് താരം എസ്.ജെ. സൂര്യയും സുപ്രധാനമായൊരു വേഷം അവതരിപ്പിക്കുന്നുണ്ട്.
നാനിയും വിവേക് ആത്രെയയും ആദ്യമായി ഒന്നിച്ച ‘അണ്‍ട്ടെ സുന്ദരാനികി’യില്‍ വളരെ മൃദുലമായ കഥാപാത്രത്തെയാണ് നാനി അവതരിപ്പിച്ചത്. എന്നാല്‍ ഇവരുടെ കൂട്ടുകെട്ടില്‍ പിറന്ന രണ്ടാമത്തെ ചിത്രമായ ‘സരിപോദാ ശനിവാരം’ത്തില്‍ പരുക്കന്‍ ലുക്കിലാണ് നാനി പ്രത്യക്ഷപ്പെടുന്നത്. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലായ് പുറത്തിറങ്ങുന്ന പാന്‍ ഇന്ത്യ സിനിമയാണ് ‘സരിപോദാ ശനിവാരം’.
ഛായാഗ്രഹണം മുരളി ജി, ചിത്രസംയോജനം കാര്‍ത്തിക ശ്രീനിവാസ്, സംഗീതം ജേക്‌സ് ബിജോയ്, ആക്ഷന്‍ രാം-ലക്ഷ്മണ്‍, മാര്‍ക്കറ്റിംഗ് വാള്‍സ് ആന്‍ഡ് ട്രന്‍ഡ്‌സ്, പിആര്‍ഒ ശബരി.
Recent Comments