ആഗോള ബോക്‌സോഫീസ് കളക്ഷനില്‍ 50 കോടി നേടി മമ്മൂട്ടിയുടെ ഭ്രമയുഗം. രാഹുല്‍ സദാശിവന്‍ സംവിധാനം ചെയ്ത ചിത്രം റിലീസ് ചെയ്ത് പത്താംദിനമാണ് ഈ നേട്ടം സ്വന്തമാക്കിയത്. ഇതോടൊപ്പം മറ്റൊരു സുപ്രധാന നേട്ടം കൂടി സ്വന്തം പേരിലാക്കിയിരിക്കുകയാണ് മമ്മൂട്ടി.
2022ല്‍ മമ്മൂട്ടിയുടെ ഭീഷ്മപര്‍വും 2023ല്‍ കണ്ണൂര്‍ സ്വകാഡും 50 കോടി കലക്ഷന്‍ നേടിയിരുന്നു. ഇപ്പോള്‍ ഭ്രമയുഗം കൂടി 50 കോടി കടന്നപ്പോള്‍, തുടര്‍ച്ചയായ മൂന്ന് വര്‍ഷം 50 കോടി കലക്ഷന്‍ നേടിയ ആദ്യ മലയാള നടന്‍ എന്ന റെക്കോര്‍ഡാണ് മമ്മൂട്ടി സ്വന്തമാക്കിയത്.
2023 സെപ്റ്റംബര്‍ 28നാണ് കണ്ണൂര്‍ സ്‌ക്വാഡ് തിയറ്ററുകളില്‍ എത്തിയത്. മമ്മൂട്ടി കമ്പനി നിര്‍മിച്ച ചിത്രത്തില്‍ ജോര്‍ജ് മാര്‍ട്ടിന്‍ എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്. മികച്ച മൗത്ത് പബ്ലിസിറ്റി അടക്കം നേടിയ കണ്ണൂര്‍ സ്‌ക്വാഡ് ബോക്‌സ് ഓഫീസില്‍ 80കോടിയോളം രൂപയാണ് കളക്ട് ചെയ്തത്. 2022 ലെ ഏറ്റവും കൂടുതല്‍ ഗ്രോസ് നേടുന്ന മലയാള ചിത്രമായി ഭീഷ്മപര്‍വ്വം മാറിയിരുന്നു. അമല്‍ നീരദാണ് ചിത്രം സംവിധാനം ചെയ്തത്.സിനിമ റിലീസ് ചെയ്ത ആദ്യ വാരത്തില്‍ തന്നെ 50 കോടി ക്ലബ്ബില്‍ പ്രവേശിക്കുകയും ചെയ്തിരുന്നു.
Recent Comments