ധ്യാന്‍ ശ്രീനിവാസനെ നായകനാക്കി എ.ആര്‍. ബിനു രാജ് സംവിധാനം ചെയ്യുന്ന പുതിയ ചിത്രത്തിന്റെ ഷൂട്ടിംഗ് വടകര ഒഞ്ചിയത്ത് ആരംഭിച്ചു. നിത്യഹരിത നായകന്‍ എന്ന ചിത്രത്തിനു ശേഷം ബിനു രാജ് സംവിധാനം ചെയ്യുന്ന ചിത്രം കൂടിയാണിത്. ഒപ്പണ്‍ ആര്‍ട്ട് ക്രിയേഷന്‍സിന്റെ ബാനറിലാണ് ചിത്രം നിര്‍മ്മിക്കുന്നത്. അഭിനേതാക്കളും അണിയറ പ്രവര്‍ത്തകരും ബന്ധുമിത്രാദികളും പങ്കെടുത്ത ലളിതമായ ചടങ്ങില്‍ തിരക്കഥാകൃത്ത് സനു അശോകന്റെ മാതാവ് ശ്രീമതി രോഹിണി ആദ്യ ഭദ്രദീപം തളിയിച്ചിരുന്നു. അരവിന്ദ് വിക്രം സ്വിച്ചോണ്‍ കര്‍മ്മവും സനു അശോക് ഫസ്റ്റ് ക്ലാപ്പും നല്‍കി.
മലബാറിലെ സാമൂഹ്യ-രാഷ്ട്രീയ പശ്ചാത്തലങ്ങളും ജീവിതവുമെല്ലാം കോര്‍ത്തിണക്കിയാണ് ഈ ചിത്രത്തിന്റെ അവതരണം. ബി.ടെക്ക് കഴിഞ്ഞിട്ടും തന്റെ വിദ്യാഭ്യാസ യോഗ്യതക്കനുസരിച്ചുള്ള ജോലി ലഭിക്കാതെ അച്ഛന്റെ ഓട്ടോ റിക്ഷാ ഓടിക്കുന്ന നന്ദന്‍ നാരായണന്‍ എന്ന യുവാവിന്റെ ജീവിതത്തിലൂടെയാണ് കഥ പുരോഗമിക്കുന്നത്.
നല്ല സുഹൃത് ബന്ധത്തിന്റെ ഉടമ കൂടിയായ നന്ദന്റെ ജീവിതം പലപ്പോഴും സംഘഷഭരിതമാകാ
റുണ്ട്. അതെല്ലാം ഈ സൗഹൃദത്തിന്റെപ രിണിതഫലങ്ങളാണ്. ഇതിനിടയില്‍ ഉരിത്തിരിഞ്ഞ ഒരു പ്രണയം നന്ദന്റെ ജീവിതത്തെ സാരമായി ബാധിച്ചു. ആ പ്രശ്‌നത്തില്‍ നിന്നും കരകയറാനുള്ള നന്ദന്റെ ശ്രമങ്ങളാണ്
നര്‍മ്മത്തിന്റെ മേമ്പൊടിയോടുകൂടി അവതരിപ്പിക്കുന്നത്. തികഞ്ഞ ഫാമിലി എന്റര്‍ടൈനറാണ് ചിത്രം.
ധ്യാന്‍ ശ്രീനിവാസനാണ് കേന്ദ്ര കഥാപാത്രമായ നന്ദനെ അവതരിപ്പിക്കുന്നത്. രണ്ടു നായികമാരാണുള്ളത്. മാളവികാ മേനോനും ദില്‍ നയും. ദില്‍നയ ആദ്യമായി അഭിനയിക്കുന്ന ചിത്രംകൂടിയാണിത്. ധര്‍മ്മജന്‍ ബോള്‍ഗാട്ടി, സോഹന്‍ സീനുലാല്‍, സുധീര്‍ പറവൂര്‍, സലിം ഹസന്‍, വിജയകുമാര്‍, ആനന്ദ്, രാജേഷ് കേശവ്, രാജ് കപൂര്‍, ദിനേശ് പണിക്കര്‍, നാരായണന്‍ നായര്‍, ദിലീപ് മേനോന്‍, കിരണ്‍ കുമാര്‍ അംബികാ മോഹന്‍ സംവിധായകന്‍ മനു സുധാകര്‍ എന്നിവരും പ്രധാന താരങ്ങളാണ്.
തിരക്കഥ സനു അശോക്, ഗാനങ്ങള്‍ കൈതപ്രം, ഹസീന. സംഗീതം ബേണി-ടാന്‍ സന്‍, ഛായാഗ്രഹണം വി.കെ. പവന്‍, എഡിറ്റിംഗ് ജിതിന്‍, കലാസംവിധാനം ബോബന്‍, മേക്കപ്പ് സിനൂപ് രാജ്, കോസ്റ്റ്യൂം ഡിസൈന്‍ സൂര്യ ശേഖര്‍, ചീഫ് അസ്സോസ്സിയേറ്റ് ഡയറക്ടര്‍ വിഷ്ണു ചന്ദ്രന്‍, പ്രൊജക്റ്റ് ഡിസൈനര്‍ അമൃതാ മോഹന്‍, പ്രൊഡക്ഷന്‍ മാനേജേഴ്‌സ് ജോമോന്‍ ജോയ് ചാലക്കുടി. റമീസ് കബീര്‍. പ്രൊഡക്ഷന്‍ കണ്‍ട്രോളര്‍ എസ്.കെ. എസ് തപ്പാന്‍. പി.ആര്‍.ഒ. വാഴൂര്‍ ജോസ്, ഫോട്ടോ ഷുക്കു പുളിപ്പറമ്പില്‍.
വടകര കോഴിക്കോട് എന്നിവിടങ്ങളിലായി ചിത്രത്തിന്റെ ഷൂട്ടിംഗ് പൂര്‍ത്തിയാകും.
മലയാള സിനിമയില്‍ ഹിറ്റുകളുടെ പെരുമഴ തന്നെ സൃഷ്ടിച്ചു ടീമാണ് സഹോദരന്മാരായ ബേണി – ഇഗ്‌നേഷ്യസ്
ഈ ചിത്രത്തില്‍ ബിനു രാജ് ബേണിയേയും മകന്‍ ടാന്‍സനേയും ഒന്നിപ്പിച്ച് ബേണി -ടാന്‍സന്‍ എന്ന പേരില്‍ പുതിയൊരു ടീമിനെ കൂടി അവതരിപ്പിക്കുകയാണ്.
Recent Comments