വിഷ്ണു ഉണ്ണികൃഷ്ണനും ബിബിന്‍ ജോര്‍ജും വീണ്ടും ഒത്തുചേരുന്ന പുതിയ ചിത്രത്തിന്റെ ഷൂട്ടിംഗ് ആരംഭിച്ചു. രാജാക്കാട്, കള്ളിമാലി ഭദകാളി ക്ഷേത്രസന്നിധിയിലായിരുന്നു ചിത്രീകരണം. രജിത്ത് ആര്.എല്‍ ഉം ശ്രീജിത്തും ചേര്‍ന്നാണ് ചിത്രം സംവിധാനം ചെയ്യുന്നത്. യിവാനി എന്റര്‍ടൈന്‍മെന്റിന്റെ ബാനറില്‍ ആരതി കൃഷ്ണയാണ് ചിത്രം നിര്‍മ്മിക്കുന്നത്.
നാട്ടിലെ ഒരു സാധാരണകുടുംബത്തെ കേന്ദീകരിച്ചു കൊണ്ടാണ് ഈ ചിത്രത്തിന്റെ കഥാപുരോഗതി. സെബാന്‍ എന്ന വ്യക്തിയുടെ മരണത്തിന് ശേഷം അദ്ദേഹം സ്വപ്നം കണ്ട ആ ലോകം സാക്ഷാത്ക്കരിക്കുവാന്‍ മക്കളായ ജിജോയും ജിന്റോയും നടത്തുന്ന ശ്രമങ്ങളും അത് നടപ്പിലാക്കുന്നതിനിടയിലുണ്ടാകുന്ന പ്രതിസന്ധികളുമൊക്കെയാണ് ചിത്രത്തിന്റെ ഇതിവൃത്തം.
സെബാനെ അവതരിപ്പിക്കുന്നത് ലാലു അലക്‌സാണ്. മക്കളായ ജിജോയെ വിഷ്ണു ഉണ്ണികൃഷ്ണനും ജിന്റോയെ ബിബിന്‍ ജോര്‍ജും അവതരിപ്പിക്കുന്നു. തെലുങ്കു താരം പായല്‍ രാധാകൃഷ്ണയാണ് നായിക. അമൈറ, അശോകന്‍, ഹരീഷ് കണാരന്‍, ദിനേശ് പ്രഭാകര്‍, ജീമോന്‍ ജോര്‍ജ്, സേതുലഷ്മി, ഐശ്വര്യാ ബാബു ജീമോള്‍, റിയാസ്, നര്‍മ്മ കല, ആര്.എസ്. പണിക്കര്‍, ശശിനമ്പീശന്‍, അഞ്ജനാ അപ്പുക്കുട്ടന്‍, ശ്യാം തൃക്കുന്നപ്പുഴ, ഷിനില്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
രജിത്ത് ആര്.എല്‍. ശിവയുടെ കഥയ്ക്ക് തിരക്കഥ എഴുതുന്നത് രജിത്തും രാഹുല്‍ കല്യാണും ചേര്‍ന്നാണ്. സംഗീതം റെജിമോന്‍ ചെന്നൈ, ഛായാഗ്രഹണം. ഷിന്റോ വി. ആന്റോ, എഡിറ്റിംഗ് ഷബീര്‍ അലി പി.എസ്., കലാസംവിധാനം അസീസ് കരുവാരക്കുണ്ട്, കോസ്റ്റ്യൂം ഡിസൈന്‍ ബ്യൂസി ബേബി ജോണ്‍, ചീഫ് അസ്സോസ്സിയേറ്റ് ഡയറക്ടര്‍ വിജിത്ത്, ഫിനാന്‍സ് കണ്‍ട്രോളര്‍ അനീഷ് വര്‍ഗീസ്, പ്രൊഡക്ഷന്‍ എക്‌സിക്കുട്ടീവ് ജസ്റ്റിന്‍ കൊല്ലം, പ്രൊഡക്ഷന്‍ കണ്‍ട്രോളര്‍ കമലാക്ഷന്‍ പയ്യന്നൂര്‍, പ്രൊജക്റ്റ് ഡിസൈനര്‍ അനുക്കുട്ടന്‍ ഏറ്റുമാന്നൂര്‍, പി.ആര്.ഒ വാഴൂര്‍ ജോസ്, ഫോട്ടോ അരുണ്‍.
രാജാക്കാട്, ശാന്തമ്പാറ, രാജകുമാരി, പൂപ്പാറ എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകള്‍.
Recent Comments