സച്ചിന്‍ ടെണ്ടുല്‍ക്കറുടെ ബൗളിങ്ങിനെ നേരിടുന്ന തമിഴ് നടന്‍ സൂര്യയുടെ വീഡിയോയാണ് ഇപ്പോള്‍ വൈറലായിരിക്കുന്നത്. കാണുന്നവര്‍ക്ക് അതിശയം ഉണര്‍ത്തുന്ന രീതിയില്‍ ക്രിക്കറ്റിലെ ഇതിഹാസവും സിനിമയിലെ സൂപ്പര്‍ സ്റ്റാറും ക്രിക്കറ്റില്‍ ഏറ്റുമുട്ടുന്നു. ഇരുവരുടെയും ആരാധകര്‍ ഇപ്പോള്‍ വീഡിയോ ഏറ്റെടുത്തിരിക്കുകയാണ്.
ഇന്ത്യന്‍ സ്ട്രീറ്റ് പ്രീമിയര്‍ ലീഗിന്റെ ഉദ്ഘാടന ചടങ്ങിന്റെ ഭാഗമായി മുന്‍ താരങ്ങളെയും സിനിമ മേഖലയിലെ പ്രമുഖരെയുമെല്ലാം ഉള്‍പ്പെടുത്തി സൗഹൃദമത്സരം സംഘടിപ്പിച്ചതിന്റെ ഭാഗമായാണ് ഇത്തരമൊരു സംഭവം നടന്നത്. സച്ചിന്റെ മാസ്റ്റര്‍ 11നും സൂര്യയുടെ ഖിലാഡി 11നും തമ്മിലായിരുന്നു മത്സരം. 10 ഓവറില്‍ സംഘടിപ്പിച്ച സൗഹൃദ മത്സരത്തില്‍ 6 റണ്‍സിന് മാസ്റ്റര്‍ 11 ജയിച്ചു.
Sachin Bowls…. Suriya Bats 💥
— Christopher Kanagaraj (@Chrissuccess) March 6, 2024
സച്ചിന്റെ പന്തില്‍ ഒരു സിംഗിളാണ് സൂര്യയെടുത്തത്. മുനാഫ് പട്ടേലിന്റെ പന്തിലാണ് സൂര്യ ഔട്ടായത്. പത്ത് ബോളില്‍ എട്ട് റണ്‍സാണ് സൂര്യ നേടിയത്. സച്ചിന്റെ കടുത്ത ആരാധകനാണ് സൂര്യ. നേരത്തെ സച്ചിനൊപ്പം നിന്ന് ചിത്രമെടുക്കാന്‍ സാധിച്ചത് വലിയ മുഹൂര്‍ത്തമാണെന്ന് സൂര്യ പറഞ്ഞിട്ടുണ്ട്.
Recent Comments