അടുജീവിതം സിനിമ പ്രിവ്യു കണ്ട് ഞെട്ടിയിരിക്കുകയാണ് അന്യഭാഷാ സിനിമ ലോകം. ഇപ്പോള്‍ ഇതാ ചിത്രത്തെ പ്രശംസിച്ചു കൊണ്ട് കമല്‍ഹാസനും രംഗത്ത് വന്നിരിക്കുകയാണ്. മണിരത്‌നത്തിനും കമല്‍ഹാസനും വേണ്ടി നടത്തിയ പ്രത്യേക പ്രിവ്യു ഷോയിക്ക് ശേഷമാണ് കമല്‍ ചിത്രത്തെ കുറിച്ച് വാചാലനായത്.
‘ഇത്രയും കഷ്ടപ്പെട്ട് ഈ ചിത്രം ചിത്രീകരിച്ച ബ്ലെസിക്ക് എന്റെ നന്ദി. മണിരത്‌നം ചിത്രം കണ്ട് അമ്പരന്നു പോയി. ചിത്രത്തിന്റെ ഇടവേളയില്‍ നമ്മള്‍ കൂടുതല്‍ വെള്ളം കുടിക്കുന്നത് പോലെ അനുഭവപ്പെടും. ഒരു വ്യത്യസ്തമായ ചിത്രം ഉണ്ടാക്കാനുള്ള ശ്രമങ്ങള്‍ ചിത്രത്തില്‍ ഉടനീളം വ്യക്തമാണ്. പൃഥ്വിരാജ് മികച്ച അഭിനയം കാഴ്ച്ചവെച്ചിട്ടുണ്ട്. പൃഥ്വിരാജ് ഇത്രയും ചെയ്യുമെന്ന് ഞാന്‍ കരുതിയിരുന്നില്ല. സാധാരണ പ്രേക്ഷകരും ഈ ചിത്രത്തിനെ ഏറ്റെടുക്കട്ടെ എന്ന് ഞാന്‍ ആഗ്രഹിക്കുന്നു’ എന്ന് കമല്‍ഹാസന്‍ അഭിപ്രായപ്പെട്ടു.
Superstar and one of India’s finest actors with 3 national awards @ikamalhaasan speaks his heart out while praising the efforts and dedication of #TheGoatLife team in bringing the extraordinary story to life. #Aadujeevitham #TheGoatLife #TheGoatLifeOn28thMarch@arrahman pic.twitter.com/1h9E0Ix6HO
— The Goat Life (@TheGoatLifeFilm) March 26, 2024
കമല്‍ഹാസന്‍ സാറിന്റെ വാക്കുകള്‍ അവാര്‍ഡിന് തുല്യമാണെന്നും ഇതൊരു ഫാന്‍ബോയ് മൂമെന്റായി അനുഭവപ്പെട്ടു എന്നും പൃഥ്വിരാജ് ട്വിറ്ററില്‍ പ്രതികരിച്ചു. ഈ മാസം 28-നാണ് ചിത്രം റിലീസ് ചെയ്യുന്നത്.
Recent Comments