‘ന്നാ താന്‍ കേസ് കൊട്’ എന്ന ചിത്രത്തിലെ കഥാപാത്രങ്ങളായ സുരേശനും സുമലതയും നായകനും നായികയുമായി എത്തുന്ന സ്പിന്‍ ഓഫ് ചിത്രമാണ് സുരേശന്റേയും സുമലതയുടേയും ഹൃദയഹാരിയായ പ്രണയകഥ. ചിത്രത്തിന്റെ റിലീസ് തിയതി ഇപ്പോള്‍ അണിയറ പ്രവര്‍ത്തകര്‍ പുറത്ത് വിട്ടിരിക്കുകയാണ്. മെയ് 16നായിരിക്കും ചിത്രം തിയറ്ററുകളില്‍ എത്തുന്നത്.
രാജേഷ് മാധവനും ചിത്ര നായരുമാണ് സുരേശന്‍ കാവുങ്കല്‍, സുമലത ടീച്ചര്‍ എന്നീ കഥാപാത്രങ്ങളായി വേഷമിടുന്നത്. രതീഷ് ബാലകൃഷ്ണന്‍ പൊതുവാളാണ് ചിത്രം സംവിധാനം ചെയ്യുന്നത്. സില്‍വര്‍ ബെ സ്റ്റുഡിയോസ്, സില്‍വര്‍ ബ്രൊമൈഡ് പിക്‌ചേഴ്‌സ് എന്നീ ബാനറുകള്‍ ഒന്നിച്ചാണ് ചിത്രമൊരുക്കുന്നത്.
റിലീസിന് മുന്നോടിയായി ഇപ്പോഴിതാ കേരളത്തിലെ വിവിധ തിയേറ്ററുകളില്‍ സുരേശനും സുമലതയ്ക്കുമൊപ്പം സെല്‍ഫിയെടുക്കാന്‍ ഒരു സെല്‍ഫി ബൂത്ത് പ്രത്യക്ഷപെട്ടു തുടങ്ങി. മെയ് 16നാണ് ചിത്രം തിയേറ്ററുകളിലെത്തുന്നത്. മികച്ച പ്രതികരണമാണ് ഇപ്പോള്‍ സെല്‍ഫി ബൂത്തിന് ലഭിച്ചുകൊണ്ടിരിക്കുന്നത്.
അടുത്തിടെ സിനിമയുടെ വേറിട്ട രീതിയിലുള്ള ഫസ്റ്റ് ലുക്ക് സോഷ്യല്‍ മീഡിയ കീഴടക്കിയിരുന്നു. ചിത്രത്തിലേതായി ഇറങ്ങിയ ‘ചങ്കുരിച്ചാല്‍…’ എന്ന ഗാനവും അതിന് പിന്നാലെ ഇറങ്ങിയ ‘നാടാകെ നാടകം കൂടാനായി ഒരുക്കം…’ എന്ന് തുടങ്ങുന്ന ഗാനവും സോഷ്യല്‍മീഡിയ ഏറ്റെടുത്തിരുന്നു. വൈശാഖ് സുഗുണന്റെ വരികള്‍ക്ക് സംഗീതം നല്‍കിയിരിക്കുന്നത് ഡോണ്‍ വിന്‍സന്റ്ാണ്. ചിത്രത്തിന്റെ ഛായാഗ്രാഹകന്‍ സബിന്‍ ഉരാളുകണ്ടിയാണ്.
Recent Comments