ഏഴാം ന്യൂഡല്‍ഹി ഫിലിം ഫെസ്റ്റിവലില്‍ ജൂറിയുടെ പ്രത്യേക പരാമര്‍ശം നേടി മലയാള ചിത്രം തമ്പാച്ചി. ഫീച്ചര്‍ ഫിക്ഷന്‍ വിഭാഗത്തിലാണ് ഈ അവാര്‍ഡ്. രാഹുല്‍ മാധവ്, അപ്പാനി ശരത്, ആലിയ എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. നവാഗതനായ മനോജ് ടി യാദവാണ് തിരക്കഥയെഴുതി ചിത്രം സംവിധാനം ചെയ്യുന്നത്.
സുധീര്‍ കരമന, ചെമ്പില്‍ അശോകന്‍, വിജയ സി സേനന്‍, സതീഷ് വെട്ടിക്കവല, ജോബി പാല, റാണ തുടങ്ങിയവരാണ് മറ്റു താരങ്ങള്‍. ട്രൂ മൂവി മേക്കേഴ്‌സിന്റെ ബാനറില്‍ സുനീഷ് സാമുവലാണ് ചിത്രം നിര്‍മ്മിക്കുന്നത്. ചിത്രത്തിന്റെ ഛായാഗ്രഹണം റിജു ആര്‍ അമ്പാടി നിര്‍വ്വഹിക്കുന്നു. സുമേഷ് സദാനന്ദ് എഴുതിയ വരികള്‍ക്ക് ബിജിബാല്‍ സംഗീതം പകരുന്നു.
Recent Comments