വര്‍ഷങ്ങള്‍ക്ക് ശേഷത്തിലെ ഗാനങ്ങളുടെ വിനൈല്‍ റെക്കോര്‍ഡ് പുറത്തിറങ്ങി. ആദ്യ കോപ്പി ഗായികയായ ബോംബെ ജയശ്രീയ്ക്ക് സമ്മാനിച്ചു. ചിത്രത്തിന്റെ സംഗീത സംവിധായകന്‍ അമൃത് രാംനാഥിന്റെ അമ്മ കൂടിയാണ് ബോംബെ ജയശ്രീ. തിങ്ക് മ്യൂസിക്കാണ് റെക്കോര്‍ഡുകള്‍ വില്‍പ്പനയ്ക്കിറക്കുന്നത്.
ബോംബെ ജയശ്രീയ്ക്ക് വിനൈല്‍ റെക്കോര്‍ഡ് സമ്മാനിക്കുന്ന വീഡിയോ വിനീത് സോഷ്യല്‍ മീഡിയയില്‍ പങ്കുവെച്ചിട്ടുണ്ട്. പ്രേക്ഷകര്‍ക്കും ഇത് വാങ്ങാവുന്നതാണ്. നിരവധി മാസങ്ങളുടെ പരിശ്രമത്തിന്റെ ഫലമായാണ് വിനൈല്‍ റെക്കോര്‍ഡ് ഇന്ത്യയിലേക്ക് എത്തിക്കുന്നത് എന്നും ഇത് സാധ്യമാക്കിയതിന് തിങ്ക് മ്യൂസിക്കിന്റെ മുഴുവന്‍ ടീമിനും താന്‍ നന്ദി പറയുന്നുവെന്നും വീഡിയോ പങ്കുവെച്ചുകൊണ്ട് വിനീത് പറയുന്നുണ്ട്.
ഗ്രാമഫോണില്‍ ഉപയോഗിക്കുന്ന ഫോണോഗ്രാഫ് ഡിസ്‌ക് അഥവാ റെക്കോര്‍ഡുകളെ ആണ് വിനൈല്‍ റെക്കോര്‍ഡ് എന്നു പറയുന്നത്. വിനീതിന്റെ കഴിഞ്ഞ സിനിമയായ ഹൃദയത്തിന്റെ റിലീസിന്റെ ഭാഗമായി ഗാനങ്ങളുടെ കാസറ്റ് പുറത്തിറക്കിയിരുന്നു. ഇത് നിരവധി പേരാണ് അന്ന് സ്വന്തമാക്കിയത്.
Recent Comments