ഒരു സെക്കന്റ് ക്ലാസ് യാത്രക്ക് ശേഷം റെജീസ് ആന്റണി സംവിധാനം ചെയ്യുന്ന സ്വര്‍ഗം എന്ന ചിത്രത്തിന്റെ ഷൂട്ടിങ്ങ് ആരംഭിച്ചു. ഏപ്രില്‍ പതിനൊന്ന് വ്യാഴാഴ്ച്ച പൂഞ്ഞാര്‍ സി.എം.ഐ. ദേവാലയത്തിലായിരുന്നു ആദ്യ ചിത്രീകരണം. ഒരിടവേളക്കുശേഷം നടി അനന്യ ഈ ചിത്രത്തിലൂടെ അഭിനയ രംഗത്തിലേക്ക് തിരിച്ചു വരുകയാണ്. സി.എന്‍. ഗ്ലോബല്‍ മൂവീസാണ് ചിത്രം നിര്‍മിക്കുന്നത്.
സാജന്‍ ചെറുകയില്‍, സിജോയ് വര്‍ഗീസ്, അജുവര്‍ഗീസ്, ജോണി ആന്റെണി മഞ്ജു പിള്ള,വിനീത് തട്ടില്‍, അഭിരാം രാധാകൃഷ്ണന്‍, രഞ്ജിത്ത് കങ്കോല്‍ ഉണ്ണിരാജ, കുടശ്ശനാട് കനകം, ശീറാം ദേവാഞ്ജന എന്നിവരാണ് പ്രധാന താരങ്ങള്‍. ക്രൈസ്തവ പശ്ചാത്തലത്തിലൂടെ അയല്‍പക്കക്കാരായ രണ്ടു വീടുകളെ കേന്ദ്രികരിച്ചു കൊണ്ടാണ് ഈ ചിത്രത്തിന്റെ അവതരണം. നിരവധി നര്‍മ്മ മുഹൂര്‍ത്തങ്ങളിലൂള്ള ഒരു ക്ലീന്‍ എന്റര്‍ടെയിനറാണ് ചിത്രം.
ഒരു സംഘം വിദേശ മലയാളികളുടെ കൂട്ടായ സംരംഭമാണ് ചിത്രത്തിന്റെ നിര്‍മാണ കമ്പനിയായ സി.എന്‍. ഗ്ലോബല്‍ മൂവീസ്. നല്ല സന്ദേശങ്ങള്‍ നല്‍കുന്നതും മനുഷ്യ നന്മകളും ഉപകരിക്കും വിധത്തിലുള്ള കുടുംബമിത്രങ്ങള്‍ നിര്‍മ്മിക്കുകയാണ് ഈ സ്ഥാപനത്തിന്റെ ലക്ഷ്യമെന്ന് നിര്‍മ്മാണത്തിന്റെ മുഖ്യ ചുമതലയുള്ള ശ്രീമതി ലിസ്സി കെ. ഫെര്‍ണാണ്ടസ് വ്യക്തമാക്കി.
Recent Comments