വിഷ്ണു മഞ്ചുവിനെ കേന്ദ്ര കഥാപാത്രമാക്കി മുകേഷ് കുമാര്‍ സിംഗ് സംവിധാനം ചെയ്യുന്ന ‘കണ്ണപ്പ’യിലൂടെ അക്ഷയ് കുമാര്‍ തെലുങ്കില്‍ അരങ്ങേറ്റം കുറിക്കാനൊരുങ്ങുന്നു. മോഹന്‍ലാല്‍, പ്രഭാസ്, വിഷ്ണു മഞ്ജു എന്നീ പ്രമുഖര്‍ക്കൊപ്പമാണ് താരത്തിന്റെ അരങ്ങേറ്റം എന്നതും ശ്രദ്ധേയമാണ്.
തികച്ചും സുപ്രധാനമായോരു കഥാപാത്രത്തെയാണ് ചിത്രത്തില്‍ അക്ഷയ് കുമാര്‍ അവതരിപ്പിക്കുന്നത്. സിനിമയുടെ ക്ലൈമാക്‌സ് ഉള്‍പ്പെടെ നിര്‍ണായക രംഗങ്ങള്‍ ചിത്രീകരിക്കാനൊരുങ്ങുന്ന ഹൈദരാബാദിലെ സെറ്റില്‍ അക്ഷയ് കുമാര്‍ ഉടന്‍ ജോയിന്‍ ചെയ്യും.
‘അക്ഷയ് സാറിനൊപ്പം വര്‍ക്ക് ചെയ്യാനൊരുങ്ങുന്നതിന്റെ ത്രില്ലിലാണ് ഞാന്‍ ഇപ്പോള്‍. ക്ലൈമാക്‌സ് ചിത്രീകരണത്തില്‍ ഞങ്ങള്‍ ഒരുമിച്ചിട്ടുണ്ട്. ഇത്രയും എക്‌സ്പീരിയന്‍സ്ഡായ ഒരു നടന്‍ ഞങ്ങളൊടൊപ്പം ചേരുന്നതില്‍ വലിയ അഭിമാനം തോന്നുന്നു. അക്ഷയ് സാറിന്റെ വരവോടെ ‘കണ്ണപ്പ’ പൂര്‍ണമായും ഒരു പാന്‍ ഇന്ത്യന്‍ ചിത്രമായ് മാറും.’ വിഷ്ണു മഞ്ജു പറഞ്ഞു.
Recent Comments