വിക്രമിന്റെ 58-ാം ചിത്രത്തിന് വീര ധീര ശൂരന്‍ എന്ന് പേരിട്ടു. വിക്രമിന്റെ ജന്മദിനത്തോടനുബന്ധിച്ച് നിര്‍മ്മാതാക്കള്‍ തന്നെയാണ് പേര് വെളിപ്പെടുത്തിയത്. ചിറ്റയ്ക്ക് ശേഷം എസ് യു അരുണ്‍കുമാര്‍ സംവിധാനം ചെയ്യുന്ന ചിത്രമാണിത്. സുരാജ് വെഞ്ഞാറമൂടും ചിത്രത്തില്‍ ശക്തമായ ഒരു കഥാപാത്രം അവതരിപ്പിക്കുന്നുണ്ട്. സുരാജിന്റെ ആദ്യ അന്യഭാഷാ ചിത്രം കൂടിയാണിത്.
എച്ച്ആര്‍ പിക്ചേഴ്സിന്റെ ബാനറില്‍ റിയ ഷിബുവാണ് ചിത്രം നിര്‍മിക്കുന്നത്. എസ് ജെ സൂര്യ, ദുഷാര വിജയന്‍ എന്നിവര്‍ പ്രധാന വേഷങ്ങളില്‍ എത്തുന്നു. ജി.വി. പ്രകാശാണ് സംഗീതം.
ആക്ഷനും പ്രാധാന്യം നല്‍കുന്ന ഞെട്ടിക്കുന്ന ദൃശ്യങ്ങളാണ് ടൈറ്റില്‍ ടീസറിലുള്ളത്. തോക്കുമേന്തിയുള്ള വിക്രമിന്റെ നില്‍പ് പ്രേക്ഷകരെ ആവേശത്തിലാക്കുന്നു. ഇതുവരെ സുരാജിന്റെ കഥാപാത്രത്തെ സംബന്ധിക്കുന്ന ഒരു വിവരവും പുറത്ത് വിട്ടിട്ടില്ല.
ചിത്രത്തിന്റെ ഷൂട്ടിങ്ങ് ഏപ്രില്‍ 21-ാം തിയതി തുടങ്ങുകയാണ്. അതിന് മുന്നോടിയായാണ് ടീസര്‍ പുറത്തിറക്കിയിരിക്കുന്നത്. ചിത്രത്തിന്റെ മൂഡ് ഈ ടീസറില്‍ നിന്ന് വ്യക്തമാണ്. ടീസര്‍ പകര്‍ന്നുതരുന്ന കൗതുകം ചിത്രത്തിന്റെ ഹൈപ്പ് വര്‍ധിപ്പിക്കും എന്നത് തീര്‍ച്ചയാണ്.
Recent Comments